ازيكو عاملين ايه؟؟
كلكو طبعا كنتو قلقانين عليا من البوست اللى فات
وكنت صعبانه عليكو
بس احب اطمنكو انه خلاص كل شئ اتظبط
ودلوقتى لو حد من اخواتى شافنى داخل المطبخ
ممكن يبلغ عنى البوليس
قولتولى ليييه ؟؟؟
اقولوكو
بصراحة انا فى الاول الموضوع كنت واخداه من ناحية افطر صائم وثواب فى ماما والكلام الجميل دة
الايام تعدى ورمضان بيمشى وانا مقضياها مطبخ وطبيخ و و و
جينا بقى قبل العشرة الاواخر وحسيت ان الوقت بيجرى بيجرى..
طب مانا لازم الحق
واقول لماما :يا ماما ياحبيبتى انتى يا ست الكل اقعدى صلى فى البيت واعملى معايا حاجة
تقولى: يابنتى هو رمضان بيجى كام مرة فى السنة دة بيجى مرة واحدة ياحبيبتى
طب يعنى هو بيجى عندى انا عشر مرات دة كدة حرااام الصبح طبيخ وبليل غسيل وترويق
لا و اول ماجى انام الاقى حاجة فى ودنى بتقول : سحووووور
بقلبى الطيب افتكر ان فى حد هيصحينى اتسحر
اتفاجئ ان اخويا بيقولى: قومى يلا جهزيلنا السحور
ااااااااااه حرااااااااام
خلاص بقى قررت اخد وقفة قولت اعمل بالنصايح الشريرة اللى سمعتها قبل كدة وعمالة تلعب فى ودانى
وفعلا بدات انفذ
اول يوم
كنت حنينة عليهم شوية عملت كل حاجة زى العادة وجهزت البلح والعصير والحاجات اللى بتبقى قبل صلاة المغرب علطول وجينا بقى للاكل
عملتلهم اكل مفيهوش ذرة ملح حاجة كدة يعنى توجع المعدة اكل عيانيين وقلت اهو هيقرفو ويخلصونى من المطبخ ...
الاقيهم بكل روح رياضية يقولولى :الله تسلم ايدك والله الاكل النهاردة جمييل بس ناقص حبة ملح
يا حبة عينى هو دة اللى ربنا قدركو عليه!!
اعدت بقى طول الليل شغلت دماغى قولت الاكل الدلع اكيد ليه حل ..لالالا بلاش منه
انما لما ازود الملح هتبقى تماااام
وجيه تانى يوم
وخلصت كيس ملح على الاكل.. بصراحة كنت مرعوبة وانا على الاكل
واعدت متنحة فى وشوش الناس اللى اعدة تاكل ولا فارقة معاهم
اتصدمت طيب يا جماعه حد يتكلم حد ينطق مفيش
ياااه للدرجادى مش حاسيين اكيد ماما جايبة نوع ملح ردئ مش بيحدء الاكل كويس
طيب ياربى اعمل ايه بقى والله انا عاوزة اتفرغ فى العشر ايام الاخيرة دى وقلت كويس مفيش دراسة ولا وجع دماغ يطلعلى الهم دة وبعديييين بقى لا دلع نافع ولا حادء نافع دول هيشلونى
اليوم التالت بقى
العصر ياذن..
ماما: ماتصحى يا نونو انتى هتنامى لحد امتى انتى لسة معملتيش حاجة خالص
انا :ياااااااه دة العصر طيب وسايبانى ليه لحد الوقتى (ال يعنى انا زعلانة عشان صحيت متاخر) طيب يا ماما انا هعمل كل حاجة بسرعة
خمسة ونص ماما:ايه انتى لسة محمرتيش الفراخ ولا حطيتى المكرونة فى الفرن ولا قطعتى السلطة و لا ... ولا... ولا
انا : معلش ياماما روحى ارتاحى انتى وكل حاجة هتخلص ان شاء الله
فطرنا فى اليوم دة بعد صلاة التراويح
اخويا 1: بقولك ايه انتى تعملى الاكل من بليل مينفعش كدة انا معرفتش اصلى انا كنت هموت من الجوع
انا :ياريت طب قول لماما تجيب الاكل من بليل وانا هعمله معنديش مانع...
اخويا 2:بقولك ايه بليل الصبح ماليش دعوة لما المغرب ياذن عاوز الاقى الاكل جهز
انا:(اخويا دة ممكن لو ملاقاش الاكل جهز ياكلنى انا شخصيا) حاضر من عنيا بس ماما هيا اللى بتجيب الحاجة متاخرة ..انا ذنبى ايه (طبعا بتكلم بمنتهى البراءة) بكرة ان شاء الله هعمل الاكل بدرى
تانى يوم صاحية من النجمة ودخلت المطبخ وطبعا عمالة اعمل دوشة علشان يتطمنو انى بعمل الاكل ويجرى اليوم كالعادة وتيجى الساعة خمسة ونص والاقيهم بقى بيدخلو المطبخ كتيير ال يعنى عاوزين يساعدونى وياخدو منى الاكل..
وتبقى المفجاة
انى
انى
انى
كنت بغسل المواعين وبعملهم كنافة وقطايف
طبعا كرهتم فى الكنافة والقطايف واى نوع حلويات
اخويا1:فين الاكل
انا :لسة معملتش
اخويا 1: اومال كنتى بتعملى ايه طول النهار؟؟
انا:كانت ماما عاوزة كنافة قلت اعملها ومعرفش ان الوقت هيجرى بسرعة
اخويا2:-يجى على صوت اخويا1 وهو بيقول حسبى الله ونعم الوكيل- نعم!! هو النهاردة كمان مفيش اكل انتى بتستهبلى!! الكنافة دى ماما بتقول عليها بقالها اسبوع اشمعنا افتكرتيها النهاردة وكمان خدتى فيها طول اليوم
انا:طيب اعمل ايه ما عقبال ما عملتها يادوب لحقت اوضب الاكل ولسة هسويه
اخويا 1:طيب احنا ناكل ايه دلوقتى
اخويا 2: كل فى نفسك يا فالح ..دلع بنات!!
ماما:خلاص يا ولاد حصل خير
انا:- فى سرى- والله يا ماما انتى سكر
الاقيها بتقول: احنا نطلب اكل جاهز ولما تخلص هيا تبقى تاكل
اعاااااااااااااااااااا
ومن يوميها اخواتى بيخلو ماما هى اللى تعمل الاكل ويطمنو بنفسهم كل شوية ان الاكل جهز
وانا بقى اخدت افراج..
وربنا يعينى ويعينكو فى الايام دى
اشوفكو فى العيد باذن الله
وكل سنه وانتو طيبين
كلكو طبعا كنتو قلقانين عليا من البوست اللى فات
وكنت صعبانه عليكو
بس احب اطمنكو انه خلاص كل شئ اتظبط
ودلوقتى لو حد من اخواتى شافنى داخل المطبخ
ممكن يبلغ عنى البوليس
قولتولى ليييه ؟؟؟
اقولوكو
بصراحة انا فى الاول الموضوع كنت واخداه من ناحية افطر صائم وثواب فى ماما والكلام الجميل دة
الايام تعدى ورمضان بيمشى وانا مقضياها مطبخ وطبيخ و و و
جينا بقى قبل العشرة الاواخر وحسيت ان الوقت بيجرى بيجرى..
طب مانا لازم الحق
واقول لماما :يا ماما ياحبيبتى انتى يا ست الكل اقعدى صلى فى البيت واعملى معايا حاجة
تقولى: يابنتى هو رمضان بيجى كام مرة فى السنة دة بيجى مرة واحدة ياحبيبتى
طب يعنى هو بيجى عندى انا عشر مرات دة كدة حرااام الصبح طبيخ وبليل غسيل وترويق
لا و اول ماجى انام الاقى حاجة فى ودنى بتقول : سحووووور
بقلبى الطيب افتكر ان فى حد هيصحينى اتسحر
اتفاجئ ان اخويا بيقولى: قومى يلا جهزيلنا السحور
ااااااااااه حرااااااااام
خلاص بقى قررت اخد وقفة قولت اعمل بالنصايح الشريرة اللى سمعتها قبل كدة وعمالة تلعب فى ودانى
وفعلا بدات انفذ
اول يوم
كنت حنينة عليهم شوية عملت كل حاجة زى العادة وجهزت البلح والعصير والحاجات اللى بتبقى قبل صلاة المغرب علطول وجينا بقى للاكل
عملتلهم اكل مفيهوش ذرة ملح حاجة كدة يعنى توجع المعدة اكل عيانيين وقلت اهو هيقرفو ويخلصونى من المطبخ ...
الاقيهم بكل روح رياضية يقولولى :الله تسلم ايدك والله الاكل النهاردة جمييل بس ناقص حبة ملح
يا حبة عينى هو دة اللى ربنا قدركو عليه!!
اعدت بقى طول الليل شغلت دماغى قولت الاكل الدلع اكيد ليه حل ..لالالا بلاش منه
انما لما ازود الملح هتبقى تماااام
وجيه تانى يوم
وخلصت كيس ملح على الاكل.. بصراحة كنت مرعوبة وانا على الاكل
واعدت متنحة فى وشوش الناس اللى اعدة تاكل ولا فارقة معاهم
اتصدمت طيب يا جماعه حد يتكلم حد ينطق مفيش
ياااه للدرجادى مش حاسيين اكيد ماما جايبة نوع ملح ردئ مش بيحدء الاكل كويس
طيب ياربى اعمل ايه بقى والله انا عاوزة اتفرغ فى العشر ايام الاخيرة دى وقلت كويس مفيش دراسة ولا وجع دماغ يطلعلى الهم دة وبعديييين بقى لا دلع نافع ولا حادء نافع دول هيشلونى
اليوم التالت بقى
العصر ياذن..
ماما: ماتصحى يا نونو انتى هتنامى لحد امتى انتى لسة معملتيش حاجة خالص
انا :ياااااااه دة العصر طيب وسايبانى ليه لحد الوقتى (ال يعنى انا زعلانة عشان صحيت متاخر) طيب يا ماما انا هعمل كل حاجة بسرعة
خمسة ونص ماما:ايه انتى لسة محمرتيش الفراخ ولا حطيتى المكرونة فى الفرن ولا قطعتى السلطة و لا ... ولا... ولا
انا : معلش ياماما روحى ارتاحى انتى وكل حاجة هتخلص ان شاء الله
فطرنا فى اليوم دة بعد صلاة التراويح
اخويا 1: بقولك ايه انتى تعملى الاكل من بليل مينفعش كدة انا معرفتش اصلى انا كنت هموت من الجوع
انا :ياريت طب قول لماما تجيب الاكل من بليل وانا هعمله معنديش مانع...
اخويا 2:بقولك ايه بليل الصبح ماليش دعوة لما المغرب ياذن عاوز الاقى الاكل جهز
انا:(اخويا دة ممكن لو ملاقاش الاكل جهز ياكلنى انا شخصيا) حاضر من عنيا بس ماما هيا اللى بتجيب الحاجة متاخرة ..انا ذنبى ايه (طبعا بتكلم بمنتهى البراءة) بكرة ان شاء الله هعمل الاكل بدرى
تانى يوم صاحية من النجمة ودخلت المطبخ وطبعا عمالة اعمل دوشة علشان يتطمنو انى بعمل الاكل ويجرى اليوم كالعادة وتيجى الساعة خمسة ونص والاقيهم بقى بيدخلو المطبخ كتيير ال يعنى عاوزين يساعدونى وياخدو منى الاكل..
وتبقى المفجاة
انى
انى
انى
كنت بغسل المواعين وبعملهم كنافة وقطايف
طبعا كرهتم فى الكنافة والقطايف واى نوع حلويات
اخويا1:فين الاكل
انا :لسة معملتش
اخويا 1: اومال كنتى بتعملى ايه طول النهار؟؟
انا:كانت ماما عاوزة كنافة قلت اعملها ومعرفش ان الوقت هيجرى بسرعة
اخويا2:-يجى على صوت اخويا1 وهو بيقول حسبى الله ونعم الوكيل- نعم!! هو النهاردة كمان مفيش اكل انتى بتستهبلى!! الكنافة دى ماما بتقول عليها بقالها اسبوع اشمعنا افتكرتيها النهاردة وكمان خدتى فيها طول اليوم
انا:طيب اعمل ايه ما عقبال ما عملتها يادوب لحقت اوضب الاكل ولسة هسويه
اخويا 1:طيب احنا ناكل ايه دلوقتى
اخويا 2: كل فى نفسك يا فالح ..دلع بنات!!
ماما:خلاص يا ولاد حصل خير
انا:- فى سرى- والله يا ماما انتى سكر
الاقيها بتقول: احنا نطلب اكل جاهز ولما تخلص هيا تبقى تاكل
اعاااااااااااااااااااا
ومن يوميها اخواتى بيخلو ماما هى اللى تعمل الاكل ويطمنو بنفسهم كل شوية ان الاكل جهز
وانا بقى اخدت افراج..
وربنا يعينى ويعينكو فى الايام دى
اشوفكو فى العيد باذن الله
وكل سنه وانتو طيبين
.jpg)
22 September 2008 at 14:23
هههههههههههههههههههههههههههههه
طب والله كويس النصايح جت بفايدة اهو
دانتى طلعتى شوريرة فعلا هانوا عليكى يا شيخة تاكليهم بعد التراويح
مبروك الافراج
ربنا يكرمك كدة فى العشر الاواخر
احنا بقى نزلنا كلية اهى اهى اهى اااااه
تحياتى
ايمى
22 September 2008 at 14:32
مكنتش عاوزة اسمعها والله
بس الواحد بقى مضطر بقى
والمضطر يبوظ الاكل
او ميعملهوش
هههههههه
وانتى ايه اللى نزلك بدرى كدة
سيبك منهم ياشيخة واعملى زى
انا نفضت للكلية واعدت فى البيت
وعلى راى ماما رمضان بيجى مرة واحدة فى السنة
يلا ربنا معاكى ويكرمك ان شاء الله
22 September 2008 at 14:34
طلعتي شريرة قديرة ومقتدرة وقادرة اهو :D
عموما كل سنة وإنتي طيبة وربنا يتقبل :)
اوعي تنسي تدعيلي حشردك !!
22 September 2008 at 16:03
ههههههههههه
والله بجد احسن حاجه
اللي عاوز حاجه لازم يعتمد علي نفسه
:d
23 September 2008 at 03:05
قوليلى انى وحشه قوليلى انى وحشه قوى كمان ..
عشان انا مقصره معاكى قوى قوى انا اسفه جدا جدا موت كمان
اوعى تزعلى ...طب ااقولك انا مستعده اكل من ايدك ومتزعليش منى ايه رايك ..
حلو العقاب ده..
23 September 2008 at 03:07
بس بقالك انا لو ملقتش قدامى حد ياكلنى غيرك يا اوريجنالتى هتاكلينى بعد التراويح ...
بقالك ايه انا مش قد كده انا صحتى على قدى..بعدين ابنى ده طفل برئ
ولا شكله المطبخ ناساكى البراءه..
23 September 2008 at 03:08
بقولك يا قمر انا هبعتلك ميل احتمال احتاج مساعدتك
معلش يا بنتى الحوجه وحشه..
بس انتى بعتالى اضيفك يا شيخه ياشيخه ضيفينى انتى انا مبعرفش اضيف حد ولاسبت..
مش عايزه اسمعك بتتضحكى ههههههه
23 September 2008 at 03:36
بجد اروبة يا بنتى واللة
طب انا بقى لوحدى وباطبخ احم اصدى باحط الاكل فى الزبت كل يوم ونفسى اكل طبيخ
هوة مش ممكن طنط يعنى تعملى حبة بسلة
ههههههههههههههه
23 September 2008 at 03:43
هههههههههههههه عسل يا قطه و الله
بس انتى المفروض من الاول تاخدى موقف و تقولى لأ مش هعمل حاجه ( اعملى زى ) D::D
23 September 2008 at 08:07
فاااااااااااااااااااااااشله
وقال عايزين تتجوزو
جاتكم نيله
حاسه بان الروح الشريره اللى كانت متقمصاني سابتني وراحتلك بصراحه بصراحه احسن
23 September 2008 at 10:07
ههههههههههههههههههه
لأ مش ممكن بجد
هم صحيح صعبو عليا
بس بردو رمضان مش بيجي غير مره واحده
ربنا يحققلك فيه كل اللي نفسك فيه
(:
23 September 2008 at 14:58
والله انتى زى العسل
ربنا يعينك ويقويكى
ويبلغنا ليلة القدر ان شاء الله
24 September 2008 at 23:28
جننتينى تعليقات وببعتها على ..لا والف لا..
واضافه وضفتك ورفضتينى اعملايه يعنى
اتجنن لا سمح الله..
ضيفينى انتى عندك وبالنسبه للبلوج قوليلى والنبى البلوج الرسمى بتاع سعادتك عشان ترحمينى ماشى..
25 September 2008 at 18:18
هههههههههه
حتى فى دى فاشله
طيب يا فاشله مش حرام عليكى الناس الغلابه دى
والله صعبوا عليه هههه
بس احسن خليهم يعتمدوا على نفسهم
30 September 2008 at 04:23
السلام عليكم
عيد سعيد
فلنجعله بداية للتغيير
ليس العيد من لبس الجديد
ان العيد ما فيه تجديد
5 October 2008 at 11:27
immigrant
دعيتلك والله
وبعدين بس بقى لشردلك انا
ههههههههه
وحشانى اوى :wub
5 October 2008 at 11:28
حسن حنفى
انت بتعتمد على نفسك ؟؟؟؟؟؟؟؟
هاااا
اكيد لا
هو كلام وبس
كلكو كدة ._,
5 October 2008 at 11:29
محاسن صابر
انتى عثل
انتى حبيبتى
انتى ثكر
هههههههههه
على فكرة الاكل من ايدى مش بالساهل كدة
لازم اللى قدامى يعانى الاول
5 October 2008 at 11:31
صباح الصباح
ههههههههه
بتحط الاكل فى الزيت
يا عييييينى
لا صعب اوى
وبعدين انت عشمان فى مين بس
طنط ؟؟؟؟؟؟؟
هى كانت بتعملنا احنا حاجة
معلش بقى جات اوت :)
5 October 2008 at 11:31
بيرلينا
بس يابنت انتى مدلعة :mad
5 October 2008 at 11:32
whisper
مين قال اننا عاوزين نتجوز :huh
5 October 2008 at 11:32
esraa
والله وكانو صعبانيين عليا انا كمان
بس الواحد لازم يتصرف بردو :)
5 October 2008 at 11:33
اختكم فى الله
ربنا يكرمك يا رب
انتى اللى ثكر والله
وبتنورينى بجد
5 October 2008 at 11:34
محاسن صابر
ههههههههههههههههه
فهمتى غلط كدة
لا والف لا انا بتابعها مش بكتب فيها
وبعدين انا ضيفتك بقالى زمن وانتى مقبلتيش الاضافة
5 October 2008 at 11:34
عايش ولكن
كدة اهلى صعبو على كل الناس
لييييه
هوانا كنت عملتلهم اييييه
وبعدين دة مش فشل دة قمة النجااااااااح
5 October 2008 at 11:35
spower
كل سنة وانت طيب