السلام عليكم ورحمة الله وبركاته
كنت قاعدة مبعملش حاجة وعيانة ومش قادرة اقوم من ع السرير وصحابى بلغونى دلوقتى ان فى محاضرة بكرة فقلتلهم انى مش هقدر اروح فقلت بقى طالما انا اعدة مبعملش حاجة ومش قادرة اذاكر وكمان مش هروح الكلية بكرة يبقى لازم اجاوب على التاج اللى mohamad ghaliaمررهولى
احب اشكره بجد على التاج دة لان شكله كدة هيفكر
الواحد بالسعاده واسباب السعادة نبدا بقى باسم الله
كنت قاعدة مبعملش حاجة وعيانة ومش قادرة اقوم من ع السرير وصحابى بلغونى دلوقتى ان فى محاضرة بكرة فقلتلهم انى مش هقدر اروح فقلت بقى طالما انا اعدة مبعملش حاجة ومش قادرة اذاكر وكمان مش هروح الكلية بكرة يبقى لازم اجاوب على التاج اللى mohamad ghaliaمررهولى
احب اشكره بجد على التاج دة لان شكله كدة هيفكر
الواحد بالسعاده واسباب السعادة نبدا بقى باسم الله
صحيح قبل ما ابدا انا بعتذر بجد والله لكل الناس اللى بعتولى تاجات وانا ماجاوبتش عليه بس والله انا كنت شايلة اللينكات فى المدونة ولما غيرت التيمبليت ضاعو اسفة بجد على التيجان نيجى بقى للتاج
التاج
السؤال الأول:ماهى السعادة من وجهة نظرك؟
السعادة من وجهة نظرى!!
ممممممم
ممكن لما يكون الانسان صافى الذهن مبيفكرش فى حاجة مفيش حاجة شغلاه او حاجة مدايقاه
لما يحس انه مش مضغوط
ولا وراه ميت حاجة لازم يعملها
السعادة ممكن تكون ان الانسان يكون حسس برضا من جواه عن كل شئ حواليه
مش عارفة بالظبط اقول وجهة نظرى شايفة السعادة ازاى لانى اوقات قليلة حسيت بالسعادة
السؤال الثانى: كيف تصل إلى السعادة؟
اول طريق للسعادة فى حياتى هو رضا ربنا
لما بحس ان ربنا راضى عنى وبيخلينى ارضى عن نفسى
ببقى سعيد جدا
بسيب كل الهموم اللى فى دماغى واحس انى ملكت الدنيا
بحاول دايما اوصل للسعادة عن طريق رضا ربنا عنى
لما بقرب من ربنا بنسى اى حاجة ممكن تقلل سعادتى
تانى حاجة رضا امى
نفس الموضوع
لما بحس برضاها عليا الدنيا بتضحك فى وشى واحس ان كل حاجة تمام
السؤال الثالث: هل السعادة وهم أم أنها حلم صعب؟
هى دى النقطة الاساسية
انا مش عارفة اذا كانت السعادة وهم ولا حلم ولا ايه بالظبط
انا كل اللى اعرفه انى لما بعمل الحاجات اللى قولتها فوق دى ببقى مرتاحة
يعنى ببقى مطمنة ومش مهمومة
لكن السعادة بمعناها اللى انا معرفهوش كويس مش عارفة بصراحة موجودة ولا فشر
السؤال الرابع: هل السعادة طريق للنجاح ؟وضح؟
لو اعتبرناها زى ما قولت فى اول اجابة
انها عبارة عن ان الانسان يبقى صافى الذهن .. مطمن .. مش مهموم ولا فى حاجة شاغلة باله
يبقى كدة احتمال تكون السبب الرئيسى للنجاح
لان من اهم معوقات النجاح الافكار اللى بتسيطر على الانسان والاحاسيس الكئيبة اللى بترجعه لورا دايما
ومبتخليهوش يشوف الامل فى بكرة
السؤال الخامس: ماهى أكثر اللحظات التى شعرت فيها بالسعادة؟
1- وانا ببكى لربنا
2-ماما وهى بتدعيلى وتقولى قلبى وربى راضين عنك
3-انا واخواتى لما نقعد نتكلم ونهزر مع بعض
4-لما بحس ان صحابى بيحبونى زى مابحبهم
5-لما اشوف النيل وقت الغروب
6-ولما اكل ايس كريم فى الشتا (محدش يتريق)
السؤال السادس:هل ممكن أن تحقق كل شىء؟
كل شئ ازاى يعنى
كل شئ انا بفكر فيه او اتمناه مثلا..
معتقدش
انا بحس انى بفكر فى حاجات كتير مفيدة ومهمة بس قليل اوى لو اخدت خطوة التنفيذ
يعنى تقريبا مبحققش اى حاجة من اللى عاوزة احققها
ودة بسبب الاحباط اللى بيسيطر عليا فى اوقات كتير
السؤال السابع: السعادة تجعلك تقبل على الحياة أم لا؟
اكيد
اللحطة اللى بحس فيها انى مبسوطة او جوايا رضا عن نفسى ببقى طايرة وببقى عاوزة اعمل اى حاجة وببقى شايفة كل حاجة سهلة ادامى
مبحسش بكلكعة كالعادة
لكن بحس انى نشيطة اوى ونفسى اعمل كل حاجة
لكن بسرعة الحاجات اللى بتحصلى والظروف المحيطة بيا بنسى اى لحظة سعادة
واركز فى الكابة
السؤال الثامن: هل أحسست يوما انك وصلت لقمة السعادة؟
مممم
يعنى مش للقمة اوى
بس اهو كانت سعيدة لدرجة كبيرة
وكان يوم قريب كمان
من شهرين كدة حسيت انى هبدا افك بقى من النكد وهبدا حياة جديدة سعيدة
حاولت احافظ على الشعور دة لاطول فترة ممكنة
بس حصلتلى ظروف قريب نسيتنى اللحظات دى
ولانى ضعيفة الارادة مدافعتش عن سعادتى
واستسلمت للهموم تانى
السؤال التاسع: لماذا تمر أوقات السعادة بسرعة؟
يمكن علشان احنا بطبيعتنا من وش سعادة
ناس نكدية يعنى
او لان السعادة مبتستحملناش
بتصرفاتنا..بافكارنا الغريبة.. بضعف ارادتنا واستلامنا
(انا بتكلم عن نفسى )
السؤال العاشر: هل ترى السعادة فى التدين؟
التدين "المظبوط" المعتدل" من وجهة نظرى هو اساس كل السعادة اللى فى الدنيا
واكيد هيكون سبب سعادة الاخرة بردة ان شاء الله
السؤال الحادى عشر: هل أنت متفاؤل وعندك أمل؟ وضح؟
على فترات
يعنى مش معنى انى نكدية وبتكائب كتير
انى شايفاها ضلمة اوى
لا انا اصلا كنت متفائلة
بس حبة حاجات سودا فوق بعضها كدة اثرت عليا شويتين
لكن حاسة ان جوايا لسة فى امل
لسة فى شعاع نور (هو بسيط نما موجود) بمشى وراه وحاسة انى فى الاخر هلاقى نور جامد اوى
السؤال الثانى عشر: إذا شعرت بالحزن ماذا تفعل؟
(السؤال الثانى عشر !! مش كفاية كدة ولا ايه؟؟)
1- بلجا لربنا
2- بنام طول الوقت
3- مبكلمش حد وبعد لوحدى
4- بفكر فى الوقت اللى فيه الحزن اللى جوايا هيخلص وابدا صفحة جديدة
السؤال الثالث عشر: هل يستمر معك الحزن فترة ام ينقضى فى الحال؟ فترة؟؟
لا
ممكن تقول فتراات
وفترات صباحية ومسائية وعلطول
السؤال الرابع عشر: ما رأيك فى الأفراد المتشائمين؟
محتاجين يقربو من ربنا كتييير
large مش كنت تقولى ان التاج دة مقاس
.jpg)
20 November 2008 at 01:06
ايه الاجابات دى يابنتى كلها حلوة بس
والله انتى حسيستينى ان لحظات السعادة نادرة بالنسبالك
رغم انك لو فكرتى هتلاقيها كتيييييييير
وكمان بلاش تقولى على نفسك ضعيفة لان مفيش انسان ضعيف الانسان هو اللى بيصنع الضعف
وكمان انتى مبرمجة مخك انك ضعيفة الارادة ومش بتعملى اى حاجة مفيدة مش مدية فرصة لمخك انه يفكر بالطريقة دى
صدقينى انتى اقوى وانفع مما تتخيلى
ربنا يرزقك السعادة يارب
وميرسى ياقمر لسؤالك عليا
واسفة فعلا انى مكنتش بدخل الفترة اللى فاتت بس كله بسبب الويندوز
تحياتى
ايمى
20 November 2008 at 03:04
ربنا يسعدك يارب
(:
21 November 2008 at 16:24
أختى العزيزة
كم اسعدتنى إجاباتك
فى منتهى الروعه واستمتعت بها كثيرا
شكرا لقبولك الإجابة عليها
دمتى بكل الود فوى سعادة
وألف مليون سلامة أختى العزيزة
وبالتوفيق
22 November 2008 at 06:14
اسف علي التاخير
ان شاء الله تحققي السعاده في الدنيا وفي الاخره
دمتي بخير ودعواتك
23 November 2008 at 03:17
ربنا يسعد حياتك يا رب يا رب
27 November 2008 at 11:52
لسة شايفة التاج دة من شوية انت بتفكريني بنفسي مش متشائمة بس بزعل كتير وبسرعة وبعدين أعرف الناس تاكل ايس كريم ف الصيف لكن الشتا جديدةوأتمنى أشوف تعليقك في مدونتي
1 December 2008 at 00:35
عجبني كلمة صفاء الذهن
:)
ربنا يسعد أيامك
و يبعد الحزن أبو فترات دا
:D
كل سنة و إنت طيبة
:)
2 December 2008 at 10:17
بحب اوى ااقرا اى تاج
هههههههههههه
بس انتى عسولة بجد ربنا يوفقك
2 December 2008 at 11:15
اولا بعتذر بجد على عدم الرد
بس كنت بعافية حبتيين :)
2 December 2008 at 11:17
ايمى:
الحمد لله فعلا
لحظات السعادة كتيير بجد بس انا اللى ببعد نفسى عن الاحساس بيها
ربنا يخليكى ويخليى تعليقاتك الجميلة
2 December 2008 at 11:18
اسراء
ربنا يخليكى ويسعدك انتى كمان :)
2 December 2008 at 11:23
محمد الغالية
شكرا ليك انت على التاج
ومنور المدونة دايما بتعليقاتك
2 December 2008 at 11:24
حسن حنفى
انت تيجى فى اى وقت البيت بيتك
وانت عامل ايه؟؟
ربنا معاك يارب
وينجحك ويحققلك كل اللى بتتمناه
2 December 2008 at 11:25
آبى
ربنا يخليكى
منورة المدونة والله :)
2 December 2008 at 11:27
بنوتة
اجمل حاجة فى الدنيا الايس كريم فى الشتا :]
نوتينى ويارب تنورينى دايما
2 December 2008 at 11:34
والقادم اجمل
وانتى طيبة
شرفتينى بزيارتك
2 December 2008 at 11:35
بنوتة مصرية
طيب مدام بتحبيها اوى كدة
تعالى هنا كتير
انا كل شوية بجاوب على تاج :)
نورتينى بزيارتك