ادعولى بجد من قلوبكم انى انجح
بقالى شهر ونص مخلصة الامتحانات ولسة النتيجة مطلعتش
اخويا خلص بعديا بيوم ونتيجته طلعت بقالها شهر ..
وانا اعدة مستانياها وحاطة ايدى على خدي:(
اول مرة اعمل كدة ...
دة حتى الثانوية العامة مكانتش فارقة معايا كدة..
بجد قلقانة اوى يمكن عشان النتيجة اتاخرت اوى
مممم
ولا عشان دة اول تيرم اعك فيه بالطريقة دى ..خايفة اتفاجئ انى اشيل ماادة :(
اصل كان فى مادة انا استهبلت فيها اوى اعدت ساعة ونص ابص للورقة من غير ما اكتب حرف
والله مش عارفة ايه اللى جرالى ساعتها ..نسيت انى فى امتحان خالص وطلعت الموبايل واعدت ابعت لصحابى رسايل !!!
والساعة ونص الفاضلين على ما افتكرت انى بمتحن اخر السنه بقى مكفوش كمية الاسئلة اللى كانت موجودة
يااااااااااارب مشيلش المادة دى لو شيلتها هتبقى اول سابقة ليا :[
ومش عارفة ساعتها هعمل ايه؟! هقول لماما ولا هخبى عليها ..
ولو طلعو مادتين :(..
يارب النتيجة تطلع عشان اخلص من القلق دة واعرف وخلااص بس خايفة اخلص من قلق الانتظار اتصدم بالنتيجة المرة وخصوصا انى عارفة انى فى مواد _كتيير _ فتحتها ليلة الامتحان كل تيرم كنت بقول يارب اجيب تقدير عالى امتياز جيد جدا.. المردى بقول يارب انجح
يارب انجح...
.jpg)
22 July 2008 at 12:25
إن شاء الله خير , ويارب البوست الجاى يبقى يبيتوزع فيه بيبسى
22 July 2008 at 14:59
يارب تنجح يا تتح
22 July 2008 at 15:04
يااااااااااااااااااااااااارب تنجحي
وان شاء الله مش تشيلي حاجه غير قزايز البيبسي
هههههههههههه
المدونه جميله وانا حطيتها في المفضله
تقبلي مروري
22 July 2008 at 15:35
ربنا يوفقك ان شاء اللهونقرا البوست الجاى مكان ادعولى باركولى
22 July 2008 at 16:46
ان شاء الله هتنجحي وهتجيبي تقدير كمان
بالنسبه لمدونتي فاي بوست مش مكتوب عليه انه فصل من فصول الروايه يبقي قصه قصيره دوري في الارشيف عن الروايه لو حبيتي تشوفيها وانا مستني نقدك
شكرا لك وان شاء الله الزياره مش هتكون الاخيره
22 July 2008 at 23:51
ان شاء الله خير
متقلقيش ما ضاقت الا ما فرجت
والره الجايه نيجى نلاقى الحاجه الساقعه
ممكن تحجزيلى بيبس
بس ازاى بعتى رسايل لاصحابك من الموبايل فى اللجنه
لجنه ايه دى؟؟
ههههههههه
23 July 2008 at 00:31
ربنا يفرج همك
23 July 2008 at 02:18
زى الهوا
يااارب يكون خير
ونوزع تورتة
بس بلاش بيبسى
.......
amr fekry
ربنا ينجح تتح وينجحنى انا كمان :)
..........
حسن حنفى
ربناااااا يسمع منك
يااااارب انجح يارب
بس بلاش بيبسى :(
*******
شرف ليا اضافة حضرتك لمدونتى :)
23 July 2008 at 02:20
مدحت محمد
اللهم امين
شكرا لزيارتك:)
...........
محمد حلمى مخلوف
بجد والله مدونتك جميلة اوى بما تحويه من اعمال ادبية جميلة جدا
انا قريت فيها كتير بس مرديتش ارد لانى متاكدة ان نقدى لايرقى ابدا لمستوى اعمالك
23 July 2008 at 02:23
بطوط حبوب
ربنا يخليك
ويااارب انجح
بالنسبة للبس قلنا بلااش :)
خليها حاجة حلوة
وبالنسبة للجنة كانت شبه لجنة المرور بالظبط
محدش ليه دعوة بحاجة
مفهمتش اول سؤال بعت لصاحبتى قولتلها هو السؤال الاول عاوز ايه
بس هى استندلت ومرديتش عليا :)
جمعاوى روش طحن
اللهم امين
جزاك الله خيرا على الدعوة والزيارة
23 July 2008 at 03:19
ان شاء الله حتنجحى وتعدى السنة على خير
سلام
23 July 2008 at 05:43
ربنا معاكي
ان شاء الله خير
ما تقلقيش
ومبروك مقدما
23 July 2008 at 11:10
Don't be worry
هتنجحي إن شاء الله ، وهنباركلك على نجاحك قريب :)
23 July 2008 at 12:16
ربنا هيكرمك ان شاء الله
ومش هتشيلى حاجة
وهتجيبى تقديركمان
ادعى انت بس
ربنا يوفقك
تحياتى
23 July 2008 at 14:01
كلام وخلاص
يارب ان شاء الله
.............
zozo
يارب يكون خير
نورتى المدونة بجد :)
...................
immigrant
ربنا يخليكى
والف مبروك على نجاحك
..................
emmy baby
يارب انجح
والتقدير بقى ...:(
شكرا :)
23 July 2008 at 15:01
يا ستى ان شاء الله هتنجحى و هتطلعى الاولى على الدفعة كمان
لأن احنا ماشيين بمبدأ .. لكل مجتهد نصيب
و انتى قعدتى ساعة و نص تبعتى فى رسايل ... و ده من رصيدك
يعنى انتى اجتهدتى
و هتاخدى على قد اجتهادك
هههههههههههههههههههههههه
تقبلى مرورى
سلام
23 July 2008 at 15:29
ايه اللى عملتيه فى البلوج من ورايا ده يابت
اولا وحشتييييينى من هنا لحد هناك :P
ثانيا نتيجة ايه اللى بتتكلمى عليها دى هى نتيجتك لسه مخلله لحد دلوقتى
ايه الكليات اللى تفقع المراره دى :P
انا هتجنن يا بت يا اوريجينال انتى
انتيجه باينها تاهت فى وسط الزحمه
يارب تنجحى وانجح معاكى
ونطلع كلنا مع بعدينا رحلة ممتدة الاقامة لمدة سنه الس اراضى سنه تالته بكلية الالسن ضربة فى قلبها "اموشن بيطلع قلوب احمره"
23 July 2008 at 19:35
ان شاؤء الله هتنجحي
هتنجحي
هتنجحي
هتنجحي
وان شاء الله هاشرب البيبسي
ضاقت فلما استحكمت حلقاتها فرجت
خليكي متفائلة وان شاء الله خير
24 July 2008 at 11:00
السلام عليكم
سعيد بالزيارة الأولي للمدونة و يا رب تكون زيارة سعيدة ان شاء الله
^_^
و خليك ريلاكس و متقلقيش إن شاء الله و سيبيها علي الله و ناجحة بإذن الله
مع تحياتي
24 July 2008 at 14:51
ان شاء الله خير وهاتنجحى باذن الله
قولى بس يارب
24 July 2008 at 17:44
عووووووووووووووووووووووووو
انا جيت اتخديتى
.......................
بجد
بجد عاجبنى اسلوبك مووووووووووت
لان بجد طالع من قلبك ولذيذة اوووووووووى انك براحتك
.........................
بجد متقليقيش ان شاء الله خيرررررررر
على الفكرة الحالة دى مش انتى بس والله ساعات بتيجلى حالة غريبة اخش الامتحان اضحك واضحك وبعد كدة باخد على نفوخى..
بس سوال لولبى حلزونى؟
ازاى طالعتى النوبيل فى الامتحان
انا لو منك الكلم دكتور المادة احسن واصحابى ابعتلهم رسايل بعدين
.................
بجد بجد مش عارفة لية مستريحة نفسية للمدونة دى دة انا هبقى لزقة صعيدى ومش هسيبك دة لو مكنش هيضيقك طبعا
واجى اخدك واجررررررررررررررى
تاكسى
.................
وربنا يخليكى ويسعدك على طوللللللللللللل الخط
عوووووووووووووووووووووو
25 July 2008 at 03:09
مهيج الجماهير
ربنا يطمنك :)
الاولى مرة واحدة :o
والله الواحد قلقان من موضوع اجتهاده دة
لان كل تيرم بنعك فى الامتحانات بس بنخرج ندعى ونقول يارب ادينا على اد تعبنا وبنجيب تقدير
لكن واحدة فى حالتى هتدعى بانى عين بس
ربنا يستر
نورت المدونة :)
...............
whisper
ها ايه رايك كدة
انتى وحشتينى والله بردو
بس النتيجة بيقولو هتطلع فى شهر تمانية يعنى انسى بقى
..................
spower
ربنا يكرمك يارب ويسمع منك
يارب انجح يااااااارب انجح
وهقول تانى بلااااااااااااش بيبسى :)
مرورك اسعدنى :)
.....................
cold aire
نورت المدونة:)
ويارب تكون مدونتى عجبتك
وياااااااارب انجح :(
25 July 2008 at 03:13
blue-wave
يارب يكون خير
وجزاك الله خيرا:)
.....................
كيكى
يامامىىىىىىىىىىىىىى
اتخديت ايه بس
انا سعيدة جدا والله بزيارتك
دانتى نورتى المدونة :)
ويارب تكون عجبتك
وميرسى ليكى ولكلامك الحلو دة
وياريت تنورينى دايما
وبالنسبة للسرال الخطير دة الحلزونى دة
فانا اصلا مبدخلش النوبايل
لييييييييه بقى ؟؟
لانى بكتب بايدى الشمال فبستعبط على المراقب واخليه يجيبلى كرسى تانى عشان اعرف اكتب فببقى اعدة على كرسيين والدنيا بتبقى زحمة عندى فمحدش بياخد باله :)
25 July 2008 at 04:05
ربنا يستجيب منكم يارب
ياااااارب انجح انا وكل اللى لسة مطمنوش على نتيجتهم :(
25 July 2008 at 09:08
يا رب يا رب يا رب
تنجحي و تفرحي و ترتاحي
زي ما انا ارتحت و نيجي نباركلك علي النجاح في البوست اللي جاي ان شاء الله
انا اول مره ازور مدونتك و ياريت ما اكونش ضيفه تقيله و و اتمني تنوري مدونتي المتواضعه بالزياره
25 July 2008 at 10:55
ان شاء الله هتنجحى
ربنا يطمنك
25 July 2008 at 16:42
انتي اكتبي اللي انتي تحسي به فقط مش مطلوب منك اكتر من كده مش لازم تكوني ناقده علشان تنقدي الاعمال الادبيه الاحساس مهم برضه
26 July 2008 at 09:01
السلام عليكم
ان شاء الله ربنا هيوفقك وتنجحى اطمنى خير باذن الله هو انتى فى كليه ايه
26 July 2008 at 10:13
لاتقلقى يا بنتى
كلة بيعدى بس اصبرى
وحضرى الغدة والبيبسى
وان شاء الله تشرفيينا وتجيبى امتياز كمان
وقولى نونو قالت
26 July 2008 at 10:44
نسيت اقولك االاغنية موجودة سيادتك
بس هو النت الى رخم اوى
بقالة كام يوم
26 July 2008 at 10:59
الاء
الهم امين اللهم امين اللهم امين
:)
نورتينى
.................
موناليزا
ربنا يستجيب منك :)
..................
محمد حلمى مخلوف
ان شاء الله انا متابعة مواضيك وهبقى اقول راي :)
26 July 2008 at 11:05
جوجو
ربنا يكرمك ويستجيب منك
انا فى كلية السن :_(
..............
نونو
ربنا يخليكى
ومن عينى هجهز البيبسى
وبالنسبة للاغنية شالله يخليكى عشان انا بحبها اوى :)
26 July 2008 at 13:05
حضرتك ليكي تاااااااج عندي
ممكن تستلميه
:d
27 July 2008 at 10:32
لسة مافيش اخبار؟؟؟؟
27 July 2008 at 12:54
بصى هوه الواحد فى الجامعة النظام مختلف شوية عن المدرسة
يعنى مش لازم نحلى كويس عشان تنجحى
ياما ناس عكت وجابت تقدرير فى الاخر
واهم حاجة الواحد عمل اللى عليه
ولا قدر الله يعنى لو شلتى مادة
وان شاء الله ميحصلش
اعتبريه درس ليكى مش اكتر مش نهاية الدنيا يعنى
وان شاء الله خير
27 July 2008 at 14:07
حسن حنفى
تاااااج مرة واحدة :)
حاضر هروح استلمه
وميريى بجد انك افتكرتنى :)
.............
زى الهوا
لسة -وش حاطط ايده على خده- دعوااتك
........
seven
ربنا يستر بجد انا اللى مخوفنى اساسا انى متعبتش اوى التيرم دة
منور :)
29 July 2008 at 14:07
عووووووووووووووووووووووووو انا جيت تانى اتخديتى تانى
..............................
القمر عامل اييييييييييييييية
بجد انا بستريح اوووووووووووى لم بخش هنا
تصدقى نفسى اعمل واحدة زيك كدة
واكلم براحتى
اةةةةةةةةةةةةةةةةةةةةةةة
مااااااااااااعلينا
النتيجة امتى
والله خير مش تقلقى
دومتى سالمة يا حبيبتى
عووووووووووووووووووووووو
30 July 2008 at 13:52
كيكى
انتى كل لما تحبى تريحى اعصابك تشرفينى هنا يا جميل وانا هطلبلك عصير مانجة وشجرة وواحد يعزف كامنجة وتعيشى احلى عيشة
ههههههههههه
واى حاجة فى قلبك تعالى قولييها
31 July 2008 at 04:43
الف مبروك وعقبال السنة الجاية ان شاء الله
31 July 2008 at 08:21
بصى انا هقولك على نظام فى الكليه
اللى بيدخلها وياخد ختم انه بيشيل مواد بيفضل يشيل مواد لغاية ما يتخرج
ههههههههه
انما اللى زيك وابتداها كويس هتلاقيه ماشى زى الاكس ما شاء الله مبحسدش هههههه انا بقر بس
هههههههه
ربنا يوفقك
8 August 2008 at 01:13
عارفه انى توهت بقى
هههههههههههههههههه
انا مبقتش عارفه انا بعلق فين اصلا
شوفى انا قريت المدونه كلها
لكن لحيرتى انى كل ما اجى اعلق عن موضوع الاقى نفسى في مكان تانى
فقولت خلاص انا اقرا كله واكتب تعليق في اى مكان
اعزرينى بقى ما انتى اللي عمله عمله محدش عملها
ههههههههههههههههه
ولا يمكن علشان انا مشوفتش تعليقات بالشكل دا قبل كدا عامة سامحينى
مدونتك جميله جدا جدا
وموضعاتك بتتمتع ببساطه وروحك الجميله طاغيه على كل بوست
من الواضح انك رقيقه ودمك خفيف لكن بتعملى حساب لكل شيء جدا
ربنا يبارك فيكى يا عزيزتى ويوفقك في حياتك
12 August 2008 at 11:37
عايش ولكن
قر قر اصل الموضوع ناقص -وش بيزعف-
نورت المدونة :)
12 August 2008 at 11:38
nour shahen
انتى نورتى المدونة
وتعليقاتك اسعدتنى جدا والله وبجد شكرا على ذوقك وكلامك الرقيق دة
وياريت تنورينى دايما :)