بــــــــــ عنــوان ـــــلا

تاج الملوك  

للناس اللى يحبوك Add comments

هييييييييييه هيييييييييييه

جالى تاج يا ولااااد.. 
- بزغرت وفرحانة تقولش جالى عريس!!-

هههههههههه


من ساعه ماعملت مدونة وانا عمالة اسمع كلمة تاج!!
كان نفسى اعرف ايه النظام بس كنت مكسوفة اسال

بس الحمد لله فهمت بقى اخيرا من كتر المتابعة
و اول ما فهمت ..لاقيت حســـــن حنفى باعتلى تااااج 

يعنى توجونى وانا لسة نونو فى عالم التدوين


نجرب عملى بقى اللى فهمته
>
>
>


بسم الله الرحمن الرحيم
أعطيتك ثلاث وردات .. من هم الثلاث أشخاص اللى هتهديهم الورد اللى معاك ؟؟

اكيد اول وردة لماما ربنا يخليهالى ...الوردة التانية لصحابى اللى بحبهم كلهم..

.الوردة التالتة هديها لابن الحلال.. !

لو أعطيتك ورقة بيها 3 سطور فقط و قلت لك أكتب فيهم اللى أنت عايزه هتكتب إيه ؟؟


اول سطر هكتب: اللهم يا مقلب القلوب والابصار ثبت قلبى على دينك
تانى سطر هكتب: يامصر هتفوقى امتى من اللى انتى فيه
تالت سطر هكتب:رب لذة اوجبت حسرة وزلة اعقبت ذلة ومعصية سلبت نعمة وضحكة جرت بكاء




ما هو هدفك فى الحياة ؟

مممممممممم
صعب اوى انى اقول هدفى فى الحياة لانى عندى اهداف كتيييييييير بس مبحققش اى حاجة

فى من اهدافى وقتها راح.. وفى لسة مجاش وقته
بس حاسة ان النتيجة واحدة مبحققش حاجة فى الاخر
دة بالنسبة للدنيا.. لكن بحاول على قد ما اقدر انى احقق هدف اى انسان مسلم وهو رضى ربنا عنه
اللهم ارضى عنى



إن شاء الله بكرة هيكون أحسن من النهاردة "هل تصدق هذه المقولة ولماذا؟؟

ممممم
ممكن!!
  ان شاء الله لكن مش متاكدة



أجمل مقولة سمعتها فى حياتك ؟؟


مافيش اجمل من كلمة لا اله الا الله
وفى مقولات كتير بتعجبنى زى: استمتع بالنظر الى الصباح عند طلوعه فان له جمالا وجلالا واشراقا يفتح لك الامل والتفاؤل
ودة حقيقى فعلا انا لما ببص للسما والنهار بيطلع واشوف الشروق بحس براحة غريبة وببقى متفاءلة جدا



من المغنى اللى بتحبه أوى ؟؟
مش بحب حد معين


و إيه أحلى أغنية بتحبها ؟؟
فى اغانى كتير بحب اسمعها.. اكتر اغنية بحب اسمعها اغنية عصفور لعايدة الايوبى


غزة " تمثل لك إيه فى حياتك ؟؟

انا حاسة ان غزة.. جرح جوايا ة وبيألمنى بشدة و مش قادرة اداويه ولا اعمله اى حاجة


أعطى لإنتمائك لوطنك درجة من مائة ؟؟

انتماء.. يعنى ايه انتماء لو يعنى حب البلد دى فاناهدى لنفسى درجة 100% بس بيتهيئلى ان الانتماء مش ان كل واحد يقول انا بحب البلد دىوبعشق ترابها طب ياللى بتحب البلد اوى كدة ودايب فى هواها عملتلها ايه مانت زيك زى غيرك بدل متقول كفاية بقى وتبدا تصلح بترمى الزبالة فى الشارع وتقول هى جت عليا وبتدفع رشوة لو عاوز تمشى مصلحة وتقول مش هتفرق و..و.. الخ عشان كدة انا ممكن ادى لنفسى درجة بالسالب


لو تزوجت و أنجبت بنتين و ولدين أى الأسماء تختار لهم
ولدين : فارس و حمزة
بنتين: بنتين بس يعنى؟؟ انا بحب اسم مريم واريج وايثار وصفية



عمرك غشيت في امتحان وانت صغير؟؟
وانا صغيرة لااااااا عمرى ماغشيت بس لما كبرت اتعلمت الفساد
فى الثانوية العامة بعيد عن السامعين كنت بغش قوانين الرياضة من البنت اللى قدامى وكانت بتقلهالى غلط بس انا كنت بفتكرها واصححها
هههههههههه



لو أتعرض عليك رشوة كبيرة و انت فى زنقة مالية هتعمل إيه؟؟
ممممممم
هعرض غلى ضميرى النص عشان يرضى 
ههههههههههه
اكيد طبعا هرفهضها :)




قول 3 صفات ب 3 كلمات بس توصف بيهم شخصيتك؟

عصبية
متناقضة
جدعة


صفة عايزها في شريك حياتك؟
صفة واحدة بسسسسسسس طيب قول مية ولا الف
 
ممممممم 
يكون ملتزم بجد مش اى كلام يعنى ومفيش مانع يكون حنين ورومانسى وذكى وحازم ووسيم ووووو بس كدة 

ايه المجال اللى غير دراستك وشايف نفسك فيه قوي؟؟
كنت احب اكون صحفية بس بحب مجال دراستى اكتر





بتحب السفر ؟؟

اة طبعا بحب السفر.. لغاية اخر الشارع كدة
اصل انا تحركاتى فظيعة!! لو رحت لغاية التليفون عشان ارد عليه تبقى رحلة فلو وصلت لاخر شارعنا ابقى سافرت واتغربت هههههههه بس عامتن بحب اسافر اسكندرية اصيف هناك بس ياريت طايلين

طب دلوقتى حالا ايه المكان اللى نفسك تكون فيه ؟
حالا؟؟حالا حالا يعنى نفسى اكون فى السرير والله بقالى يومين منمتش ومش شايفة ادامى!

تمرر التاج ده لمين ؟؟

Egyptian Perle

قطع السكر احيانا لا تحلى

طرطشة افكار

I'm your mind

69 التعليقات دى بتاعة البوست اللى تحت دة

1. EMMY BABY  
   1 August 2008 at 09:44

   مبرووووووووووك التاج
   
   بس انا كمان توجتك من زمان
   
   فين اجابات التاج بتاعتى اهى اهى اهى
   
   
   اجابتك حلوة
   
   تحياتى

2. مواطن مصرى نايم  
   1 August 2008 at 10:08

   زمان اول ما بدأت التدوين من سنة يعنى
   الا حاجات بسيطة
   كان نفسى يجى لى تاج
   كنت ببقى حموت و الاقى اسمى فى بلوج حد انه مرر لى تاج
   بس بعد كده كرهت نفسى
   من كتر ما التاجات بقت بتيجى لى
   ــــــــــــــــــــــ
   مبروك عالتاج
   قريب حتكرهى تشوفى تاج حتى
   هههههههههههههههه
   اجابتك جميلة
   يا غشاشة قوانين الرياضة
   ههههههههههههههه
   تحياتى
   
   اسلام

3. حسن حنفى  
   1 August 2008 at 10:09

   للاسف مش لحقت اول تعليق بس التالت مش وحش اروح اقرا التاج بقي

4. حسن حنفى  
   1 August 2008 at 10:14

   اجابات ممتازه
   
   ربنا يبارك في حضرتك
   
   ويارب يتحقق كل اللي نفسك فيه
   
   انا كمان التاج ده جالي وانا نونو في التدوين
   
   لاني لسه بادئ من اسبوعين تلاته كده
   
   :d
   
   بالنسبه للعصبيه انا مش فيه حد عصبي
   
   اكتر مني وده كاتبه في اجابه التاج
   
   ههههههههه
   
   بس ان شاء الله اتخلص منها لانها بتسبب ليا مشاكل كتيييييير
   
   شكرا لاجابتك علي التاااااااااج
   
   ملحوظه : احم انا حسن حنفي مش محمد حنفي غلطه مطبعيه يعني
   
   ههههه
   
   تحياتي

5. Unknown  
   1 August 2008 at 11:02

   bellissimo

6. zOzO  
   1 August 2008 at 11:18

   جالك تاج
   واتسريحتي
   ههههههههههههههههه
   ع فكره التاجات دي صعبه
   لاني عن نفسي مش بعرف اتكلم عن نفسي
   
   
   
   بس سيبك اجابات ميه ميه
   بجد
   انا زيك تقريبا
   ف حاجات زيك كتير
   
   
   الف مليووووووووون مبروك
   ع النتيجه
   احنا برده عندنا اللي قاعدين ع الرصيف طول النهار يجيبوا تقدير
   واللي طالع روحهم يعدوا يا دوب
   ربنا معانا
   
   
   معلشي هي متاخره شويه
   عندي دي المره دي
   تحياتي

7. Princesa ... WHiSPeR  
   1 August 2008 at 13:38

   طب انا ذنبي ايه انتي الناس بتعذبك تطلعيه فوق دماغي هههههههههه
   
   طيب ياختي هاخده بس كمان كام يوم كده علشان مش رايقه اطلع اللى فى جعبتي
   
   بس المشكله ان اجاباته هيكون منها كتير زى اللى عندك
   
   امرنا لله

8. WhItE HeArT  
   2 August 2008 at 02:35

   ايه المدونه الغريبة دي
   
   
   احم احم
   
   
   اقعد نص ساعه ادور العليقات فين وبعدين الاقي كل بوست التعليق فوقيه مش تحتيه
   
   
   لا بجد سبيشيال
   
   
   وبالنسبه للتاج اجابات طبعا مميزة ومادام عجبتك فكرة التاج وموصلكيش ان احنا بنعتبره تدبيسه وبنديه لبعض نوع من المقالب ف انا عندي تاج هكتبه جديد تدبيسه هدبسهالك بأه
   
   
   هههههههههههههههههه
   
   
   سعدت باكتشاف مدونتك ومرحبا بيكي في عالم التدوين
   
   تحياتي

9. M.a.r.y.o.o.o.m  
   2 August 2008 at 07:37

   مدونتك عاوزة قاعده هاخلص بس الكام حاجه وااقعد بقي مع نفسي

10. perlina  
    2 August 2008 at 08:07

    طيب انا اكتب ايه ف التاج ده :D:D
    
    و بعدين كنتى سبتينى انا اللى اديه لـ وسبر:D

11. موناليزا  
    2 August 2008 at 10:37

    ربنا يحقق لك كل ماتتمنى

12. oRiGiNaL HeArT  
    2 August 2008 at 11:44

    emmy baby
    
    الله يبارك فيكى :)
    عقبال عندك قريب ان شاء الله
    وشكرا على التدبيسة التاانية :(

13. Princesa ... WHiSPeR  
    2 August 2008 at 11:46

    بيرلينا المفتريه

14. oRiGiNaL HeArT  
    2 August 2008 at 11:47

    مواطن مصرى نايم
    
    شكل كلامك مظبوط دة من اول تعليق على التاج الاول فى تاريخ مدونتى بتدبس فى تج تانى
    ولسة لما نشوووف :)

15. oRiGiNaL HeArT  
    2 August 2008 at 11:48

    حسن حنفى
    مش لازم اول تعليق كفاية انك سبب البوست :)
    منورنى دايما

16. oRiGiNaL HeArT  
    2 August 2008 at 11:48

    medus
    
    grazie e piacere :)

17. oRiGiNaL HeArT  
    2 August 2008 at 11:49

    zozo
    
    اههاهاها جااااالى تاج ومعاه جالى برد والله
    يلا ربنا يستر من اللى جاااى
    ومرسى لكلامك الحلو
    :) منورانى بجد

18. oRiGiNaL HeArT  
    2 August 2008 at 11:50

    ويسبر
    
    يابنتى اومال ادبس مين انتى مننا وعلينا يعنى مشش عاوزين نتقل على الغريب
    يلا جاوبى وورينى الابداع هههههه

19. oRiGiNaL HeArT  
    2 August 2008 at 11:52

    white heart
    
    ههههههههههههههه
    اى خدعة
    التعليقات فعلا حيرت كل الناس
    دايما الاقى الناس بتعلق على المواضيع اللى فاتت وسايبة المواضيع الجديد
    عشان كدة قلت اعمل اعلان بقى عن مكان التعليقاات
    ههههههههههههه
    نورتى المدونة وانا اسعد بزيارتك :)

20. oRiGiNaL HeArT  
    2 August 2008 at 11:52

    maryoom
    يلا خلصى اللى وراكى وانا مستنياكى :)
    ويارب المدونة تعجبك :)

21. oRiGiNaL HeArT  
    2 August 2008 at 11:53

    perlina
    اكتبى ما يمليه عليكى ضميرك
    هههههههههه
    وبالنسبة لويسبر
    ملحوقة ان شاء الله التاج الجاى هدبسك وسيبك تتدبسيها :)

22. oRiGiNaL HeArT  
    2 August 2008 at 11:54

    موناليزا
    ربنا يكرمك يارب
    وجزاكى الله خيرا على الدعاء :)
    منورة :)

23. RaRa  
    2 August 2008 at 13:43

    اجابتك جميلة وصريحة
    واسعدنى معرفتى بمدونتك الجميلة
    وان شاء الله زيارتى هتتكرر دايما

24. مدحت محمد  
    2 August 2008 at 17:06

    مبروك اول تاج
    
    ثانيا
    
    ربنا يارب يحققلك كل احلامك
    
    وتجيبى فارس وحمزة
    
    ومريم وصفية

25. صباح الصباح  
    3 August 2008 at 03:06

    دمك شربات

26. حنين..  
    3 August 2008 at 05:42

    نونه.......... بتحبى عصفور طل من الشباك وقالى يا نونووووووووووووووو, وانا كنت بسمعها كتير زمان, بس بطلت اسمع اغانى, كنت بحسب نفسى بسمع عايده لوحدى فى الدنيا,
    المهم انك سكره وجميله اوى فى اجاباتك, ويارب يرزققك با ابن الحلال, وعلى فكره انتى مش غشيتى قوانين الرياضه بس.
    انتى غشيتى اسم اختى كمان( اريج) ههههههه
    الا صحيح... هو انا مش بقالى كتير برده فى عالم التدوين وبتجيلى تاجات.
    بس هو اى تاج يجى لازم ارد عليه ههههههههه
    دمتى سالمه

27. Mahmoud البطراوى  
    3 August 2008 at 09:18

    اجاباتك جميله
    وخصوصا السفر لاول الشارع
    بجد كان الله فى عونك
    وده بيكون باتوبيس واشتارك وكده ولا ايه؟؟
    :)

28. فزلوكة  
    3 August 2008 at 17:17

    أحلى حاجة فى إجاباتك
    خفة دمها
    
    بس والله بتتعبى,يعنى بتروحى لأخر الشارع لوحدك
    الله يكون فى عونك
    
    إجاباتك جميلة قربتنا منك أكتر
    بالتوفيق إن شاء الله

29. M.a.r.y.o.o.o.m  
    4 August 2008 at 02:57

    يارب يارب يارب يحققلك كل اللي انتي بتتمني تعمليه في حياتك وع فكرة مش انتي لوحدك اللي حسه بكده انا كتير بحس اني مش عارفه اعمل اي حاجه ربنا معانا ان شاء الله سلام يا قمر

30. RASHA  
    4 August 2008 at 06:27

    اجابتك حلوة وصريحة ودمك خفيف موت

31. oRiGiNaL HeArT  
    4 August 2008 at 11:56

    rara
    ميرسى ليكى
    انا اللى اسعدنى مرورك
    ويارب يدوم التواصل :)

32. oRiGiNaL HeArT  
    4 August 2008 at 11:56

    مدحت محمد
    الله يبارك فيك:p
    ويستجيب منك :p

33. oRiGiNaL HeArT  
    4 August 2008 at 11:57

    صبح الصباح
    شكرا :p

34. oRiGiNaL HeArT  
    4 August 2008 at 11:58

    حنين
    منورة المدونة :)
    ميرسى للكلام الجميل دة
    انتى اللى عثل :p

35. oRiGiNaL HeArT  
    4 August 2008 at 11:59

    بطوط حبوب
    شوفت النميز بردو:p
    وبالنسبة للمواصلة
    انا بستخدم التوك توك :p

36. oRiGiNaL HeArT  
    4 August 2008 at 12:00

    فزلوكة
    نورتى المدونة واسعدنى مرورك بجد :)
    وشوفتى بقى التعب اللى بتعبه فى حياتى
    بتبهدل بقى واروح لاااااااااخر الشارع :)

37. oRiGiNaL HeArT  
    4 August 2008 at 12:01

    maryoom
    ماهو دة اللى مخلى البلد بالشكل دة
    كلنا مش عارفين نحقق حاجة او بمعنى ادق مش راضيين
    ربنا يوفقنا ان شاء الله
    منورة :)

38. oRiGiNaL HeArT  
    4 August 2008 at 12:02

    shasha
    ميرسى يا جميل :)

39. Cold air  
    4 August 2008 at 12:09

    إجاباتك جميلة اوي وبجد لذيذة و غريبة إن ده يكون التاج الول و انتي عاملة نفسك مش عارفة حاجة دا انت طلعت شاطرة اهه و بجد إجاباتك بتدل علي نضج شخصيتك
    مع تحياتي

40. في حب مصر  
    4 August 2008 at 13:22

    إجابات فعلا جميلة جدا خاصة الثلاث سطور اللي انتي تخيلتي تكتبيهم
    
    ربنا يوفقك وتحققي 99% من احلامك يا رب
    
    تقبلي مروري

41. كيكى عوووووو  
    4 August 2008 at 16:24

    عوووووووووووووووووووووووو انا جيت اتخدتى
    ..............................
    ياواد يا خطر انت يا واد
    الاجابات الحلوة دى
    بس
    بنتين بس
    ؟
    يعنى عايزة كام ارطة
    هههههههههههههههههههههههه
    هو احنا لقينا ناكل اصلا
    ههههههههههههههههههههه
    حلو ايثار دة
    عاجبنى
    كنتى بتغشى رياضة بس
    يا فشلة مفيش انجليزى جغرافيا عربى
    لا فاشلة فاشلة
    ههههههههههههههههههههههههه
    ربنا يا حبيبتى يححقلك احلامك بجد
    ويوفقك
    هتوحشينى بجد كتيرررررررررررررر
    ومدنتك اد ايييييييييية
    والله بستريح فيها...
    يعنى راحة كدة وكمان فى ظروف عائلية وانا لازم ابقى جانبهم
    بجد هتوحشينى يا حبيبتى
    امواااااااااااااااااااةة
    بوسة يعنى
    وش بيغمز ليكى
    باااااااااااااى
    يا عسل مش تنسى كيكى بقى
    عوووووووووووووووووووووو

42. oRiGiNaL HeArT  
    4 August 2008 at 16:34

    cold air
    تعليقك اسعدنى جدا والله
    بجد ميرسى لذوقك :)
    وفين الشطارة دى بس مانا خيبة اهو :s
    منور بجد :)

43. oRiGiNaL HeArT  
    4 August 2008 at 16:35

    فى حب مصر
    بنا يكرمك :)
    ومرورك اسعدنى :)
    بس قولى ليه 99% :p

44. oRiGiNaL HeArT  
    4 August 2008 at 16:39

    كيكىىىىىىىىىىىىىىىىىىىىىىىىىىىىىىى
    رايحة فين (دموع تقطع القلب )
    خليكى اعدة وانا هطلبلك زى ماقلتلك عصير مانجة وشجرة وواحد يعزف كمانجة
    عشان تهدى اعصابك
    سايبانا ورايحة فيييييييين
    ..........................
    شوفتى بقى انا كنت شاطرة ازاى بغش رياضة بس والجغرافيا والانجليزى كنت ببرشمهم
    هههههههههههههههههههه
    ......................................
    انا كنت مستنية تعليقك على فكرة :)
    ربنا معاكى فى الظروف اللى بتمرى بيها وان شاء الله خير
    ربنا يكرمك ياحبيبتى يارب

45. Princesa ... WHiSPeR  
    4 August 2008 at 19:34

    تعالي ياختي شوفيه

46. M.a.r.y.o.o.o.m  
    5 August 2008 at 08:02

    بصي بقي عشان تعرفي اني مش عاوزة احرمك من حاجه انا اديتك تاج تاني روحي خوديه :)
    تحياتي يا قمر

47. زى الهوا  
    5 August 2008 at 08:57

    ياستى مبروك عليكى العريس
    
    قصدى التاج ههههههههههه
    
    
    بس يبك انتى اجاباتك جامدة موت , وكنت هاعلق على حاجة بعينها , بس عوقبال لما دورت على مكان التعليقات كنت نسيت انا عايزة اقول ايه :(

48. oRiGiNaL HeArT  
    5 August 2008 at 11:10

    ويسبر
    
    انا جااااااى :)

49. oRiGiNaL HeArT  
    5 August 2008 at 11:11

    maryooom
    ياشيخة !
    تعبتى نفسك ليه بس؟
    كان كفاية اتنين كيلو برتقان :(

50. oRiGiNaL HeArT  
    5 August 2008 at 11:40

    زى الهوا
    
    ههههههههههههه
    طيب ما تسمعينا زغروتة :)
    وافتكرى منتى عاوزة تقولى ايه !

51. طوبه فضه وطوبه دهب  
    5 August 2008 at 11:53

    هههههههههههههههههههههههههههههههه بجد دمك شربات ايه الاجابات الجميله دى

52. بنت الاسلام  
    6 August 2008 at 03:45

    مبروووووووك علي التاج ياجميل وطالما بتحبيهم قوي كده نبعتهملك علطوووووول
    
    اجاباتك جميلة جداا وخصوصا اجابتك عليي نسبة انتماءك لمصر رائعة بجد
    
    نورتي عالم التدوين وياريت تعتبرينا كلنا اخواتك
    
    تحياتي

53. الملاك  
    6 August 2008 at 05:26

    أختى الكريمة الف مبروك على التاج ويارب دايما يجيلك علشان تحرمى تتمنيه
    طب تعرفى انا لسه زيك جديده فى التدوين وجالى تاجين بس لحد دلوقتى معتديش الجراءة انى اتكلم عن نفسى ههههههههههههه
    بس احب احييكى فعلا على شخصيتك الجميله الرقيقه القريبه من الله التى ظهرت من خلال إجاباتك
    ربنا يزيدك ويكرمك ويحقق لكى كل ما تتمنى
    أتمنى أختى ان تقبلينى زائرة دائمه واخت لكى فى الله
    مع ارق تحياتى
    ودمتى برعاية الله

54. دعوة للأمل  
    6 August 2008 at 06:00

    اجاباتك جميلة و مميزة و الف مبروك على التاج و الف تحية لكى

55. نونو  
    6 August 2008 at 06:16

    اجابات جميلة جدااااااااااااااا
    تستهلية ربنا معاكى
    انتى كدة لازم تعزمينا بقى
    تاااااج ونجاح
    اتصرفى اعملى جمعية واعزمينا

56. oRiGiNaL HeArT  
    6 August 2008 at 11:53

    جفت الدموع
    
    ربنا يخليكى :)
    نورتينى واتمنى تنورينى دايما :)

57. oRiGiNaL HeArT  
    6 August 2008 at 11:53

    بنت الاسلام
    نورتينى وبجد شرف ليا زيارتك ويارب يدوم بينا التواصل :)

58. oRiGiNaL HeArT  
    6 August 2008 at 11:54

    الملاك
    انا بردو معنديش جراءة خالص انى اتكلم عن نفسى
    بس صدقينى المدونة اديتنى الفرصة دى
    جربى وهتلاقى الوضوع اسهل بكتير
    ربنا يوفقثك يا حبيبتى :)

59. oRiGiNaL HeArT  
    6 August 2008 at 11:55

    دعوة للامل
    شكرا ليكى وكويس انى اجباتى عجبتك:)
    نورتيى ويارب تنورينى دايما :)

60. oRiGiNaL HeArT  
    6 August 2008 at 11:56

    نونو
    لالا مش محتاجة جمعية ولا حاجة
    انتى تعالى نورينى بس وانا هظبطك مهلبية والله :p

61. مواطن مصرى نايم  
    7 August 2008 at 08:11

    لا بجد لازم تفتحى التعليقات على البوست الجديد
    لانى مبقوق من الحب
    بليز افتحيه دا انا حقولك كلام موز
    موز
    موز

62. Desert cat  
    7 August 2008 at 08:56

    هو بما ان دى تعليقات البوست اللى تحت
    فانا هكتب لك فيها تعليق البوست اللى فوق
    بصى فى فرق بين حب عمو بتاع العيش
    وفرق من الحب اللى القلب بيدق لمجرد انه حس بقدوم الحبيب او حتى سمع صوته
    تحياتى

63. WhItE HeArT  
    7 August 2008 at 09:17

    أنا عايز اعلق على البوست اللي فوق افتحي التعليقات
    
    
    ده انا بتوه في المدونه دي
    
    
    سلام

64. Maha Shahen  
    8 August 2008 at 01:07

    هو اخر الشارع سفر ياعزيزتى
    ههههههههههههههه
    الله يكون في عونك
    فكرتينى بنفسى اصلى بخاف اتوه بس للأسف بحب السفر
    لكن مش لأخر الشارع
    يارب يجيلك جرأه كدا وتلفى العالم كله
    روحك جميله واجاباتك اجمل
    تحياتى ليكى

65. Unknown  
    9 August 2008 at 11:27 This comment has been removed by the author.
66. oRiGiNaL HeArT  
    12 August 2008 at 11:43

    مواطن مصرى نايم
    التعليقات اتفتحت من زمان
    ولا شوفنا لا موز ولا عنب :p
    منتظرة تعليقك اللى بطعم الفواكه :))

67. oRiGiNaL HeArT  
    12 August 2008 at 11:43

    desert cat
    
    اكيد انتى عندك حق فى كلامك بس انا كان قصدى انى قفلت على كل الحب سواء لعمو بتاع السوبر ماركت او لاى شخص تانى
    نورتى الندونة :)

68. oRiGiNaL HeArT  
    12 August 2008 at 11:45

    white heart
    
    شكلى هغير التيمبليت دة قريب
    انا حاسة انى تعبتكو معايا اوى
    معلش بقى استحملو شوية كدة
    والتعليقات اتفتحت يافندم :)

69. oRiGiNaL HeArT  
    12 August 2008 at 11:45

    nour shahen
    انتى نورتى كل المواضيع وبجد انا حاسة انى غلبتك معايا
    معلش بقى حقك عليا :)

Post a Comment