اكتشفت الايام دى ان القلب الصغير ممكن يحب ويحس اكتر من القلب الكبير..
بيبقى لسة نضيف مشافش اى حاجة تاسيه ولا تخليه جاحد وغبى..
بيبقى لسة مش فاهم ايه فى الدنيا دى..
وبيتعامل بفطرته ويحب كل الناس ومن غير اى غرض..
دلوقتى افتكرت ان قلبى لما كان صغير كان قلب حساس وطيب
اوى مكانش بالقسوة دى..
كنت بحب كل الناس من غير اى سبب كنت بحب صحابى فى الحضانة والمدرسة جدا..
كنت بحب عمو بتاع السوبر ماركت والراجل بتاع العيش..
بجد انا فاكرة انى كنت بحب كل الناس اوى كنت طيبة اوى او كان قلبى طيب اوى
كنت بحب كل اللى حواليا بسهولة وكنت بتعامل بسلاسة وحب معاهم ..
لغاية لما كبرت ودخلت الاعدادى...
جت ماما بقى ومسكت ودنى واديها نصايح..
مش فاكرة ولا نصيحة منها بس انا فاكرة ان المضمون انى المفروض اعمل حدود لنفسى فى التعامل مع الناس
محبش اى حد كدة بسهولة !
الدنيا مفيهاش امان!
مش كل الناس كويسين!
لازم ابعد عن الولاد اللى فى سنى!
والله الست قالت النصايح وسكتت ..
لا قالتلى انتحرى ولا اقتلى قلبك !
هى كان قصدها انى متعاملش بسذاجة بس واتخدع فى اى حد ..
انا بقى اللى متوصيتش..
بعدت نفسى عن كل اللى حواليا وقفلت على قلبى قفلة مهببة..
وقلت خلااااص زمن الطيبة والهبل انتهى
واول حاجة عملتها قبل مادخل باب المدرسة الاعدادية انى
< < <
(شيلته)
وفى فترة اعداى لاقيت بقى البنات عاملة نفسها كبيرة
وكل بنت ليها صاحب بيستناها برة المدرسة
ال يعنى حبيبها بقى وبيجيبو لبعض هدايا فى الفلانتين والحورات دى
انا طبعا ماما موصيانى ان كدة غلط
اذن
كنت اما الاقى اى بنت بتعرف ولد كنت ببعد عنها واقول عليها مش كويسة
حتى لو كانت بتكلم زميلنا فى الدرس و بترد عليه!
... وجينا بقى فى ثانوى
قالولى مرحلة المراهقة والبنت بتحب اى حد وخلاص
وبترجع تندم وتعرف انها كنت بتضيع وقت ومبيبقاش حب حقيقى
اترعبت بقى وحسيت انه مينفعش تهاون
وكمان انا مكنتش عاوزة اتجرح لان قلبى بطبيعته حساس فاى حاجة كانت هتاثر فيه
لو كنت عرفت اى حد كنت هصدق واحب باخلاص
عشان كدة خفت اوى ولو كان فاضل عندى اثار قلب
< < <
(نضفت اى اثار)
يعنى انا كنت اورريدى عاملى على قلبى كنترول فى مرحلة اعدادى
لكن لما لاقيت الموضوع بقى خطير اوى كدة فى ثانوى
عملت عليه اوفر كنترول
خوفا من تسرب المشاعر وانتشار الاحاسيس
وكنت كل لما اشوف بنت بتحب ولد اقول فى نفسى غلطانة وبكرة تندم انها حبت فى السن دة
وقررت انى احافظ على كل المشاعراللى جوايا للانسان اللى هرتبط بيه..
اقدمهاله هدية وتبقى ليه هو بس
لما كنت بفكر بعقلى كنت ببقى مرتاحة اوى انى هدى كل الحب اللى جوايا للانسان اللى هرتبط بيه مش لدة شوية ولغيره شوية واكون غلطانه فى الاخرفقلت استنى
لغاية ما اقابل الانسان اللى هرتبط بيه بيقة عمرى ويبقى هو الحب الاول والاخير فى حياتى
ودة فعلا حصل فضلت محافظة على كل المشاعر اللى جوايا وكاتمة كل احاسيسى حتى عمرى ماحبيت من طرف واحد ولا اى حاجة خالص
قضيتها مذاكرة.. و دح .. وجد.. واجتهاد
وياريته نفع
اخرتها ...!!
فضلت كدة لغاية ما جه الوقت اللى المفروض بقى ادى لمشاعرى افراج..
واخليها تنطلق..
ولكن..
مافيش ..
مافيش مشاعر اصلا عشان تنطلق
اكتشفت انها ماتت من كتر الخنقة بتاعة السنين اللى فاتت دى
بالظبط زى لو عندك عصفور وحبسته ولا بتاكله ولا بتشربه ولا حتى بتسال فيه
وجيت بعد وقت طووووويل عوزه يطير!
ابقى قابلنى ..
هتلاقيه ميت اصلا!!
المهم بقالى فترة بحاول معاها ونفسى اصلح غلطتى بس مافيش فايدة خالص
كل لما افتكر طفولتى وافتكر اد ايه كان قلبى رقيق وحساس ببقى عاوزة اعيط
دلوقتى مافيش نبض خالص مش عارفة اتقبل اى حد فى حياتى
حبيت اضحك على نفسى مرة واقنعت نفسى انى بحب
وخلاص بقى الدنيا اتصلحت
بس ملاقيتش جوايا اى حاجة من اللى بسمعها عن الحب
او اللى حسيت بيها قبل كدة
مانا زى ما قلت حبيت كتيير وانا صغيرة
يعنى عارفة من معنى الحب
بس من بعيد لبعيد
يعنى افتكر كدة انه حاجة كويسة ..
بيخلى الانسان فرحان بالدنيا والدنيا بتبقى حلوة ادامه
انا فاكرانى مرة وانا صغيرة
حبيت !!
حبيت ولد يعنى
كان عندى فى عين العدو خمس سنين
ههههههه
والله كان اجمل حب
مكنتش بحبه لهدف معين او لاى حاجة او اننا هنخطب بقى والكلام دة
لا
كنا عياااااال
بس حبيته اوى لانه عمل معايا موقف جدع اوى...
المهم
فاكرة بقة لما كنت بحبه كنت نشيطة اوى وكنت بتنطط طول اليوم وكنت فرحانة اوى
وكنت قبل كدة بكسل انزل اجيب حاجة لماما
لكن لما حبيته كنت بتلكك وانزل اجيبلها اى حاجة
كنت حابة الدنيا وكنت طايرة كدة
اييييييييييييه
الله يرحم ايام زماااان
دلوقتى بقى بتحايل على نفسى احب
بس بحس انى برد على نفسى واقولها ابقى قابلينى
مش هتحبى حتى لو عملتى ايه
وفنفس الوقت انا مش عاوزة ارتبط وخلاص
مش عاوزة اعيش حياة مجردة من الاحاسيس نهائى كدة..
نفسى ارجع مشاعرى بس خايفة افضل مش لاقياها ولا الاقيلها اثر جوايا..
كتير بقول لنفسى لو رجعت صغيرة عمرى ما هعمل اللى انا عملته دة.. اكيد هسيب قلبى على راحته اوى واسيبه يتنفس ويحس بكل اللى هو عاوزه ويكفينى انى احكم عقلى واكيد عقلى كان هيحافظ على قلبى ومكانش هيخلنى اعمل حاجة واندم عليها.. احساس صعب انك تعيش وانت من غير مشاعر
حتى لو مشاعرك اتجرحت مرة من حب او فراق فده ارحم من انك تكون من غير احساس خالص
.....
بيبقى لسة نضيف مشافش اى حاجة تاسيه ولا تخليه جاحد وغبى..
بيبقى لسة مش فاهم ايه فى الدنيا دى..
وبيتعامل بفطرته ويحب كل الناس ومن غير اى غرض..
دلوقتى افتكرت ان قلبى لما كان صغير كان قلب حساس وطيب
اوى مكانش بالقسوة دى..
كنت بحب كل الناس من غير اى سبب كنت بحب صحابى فى الحضانة والمدرسة جدا..
كنت بحب عمو بتاع السوبر ماركت والراجل بتاع العيش..
بجد انا فاكرة انى كنت بحب كل الناس اوى كنت طيبة اوى او كان قلبى طيب اوى
كنت بحب كل اللى حواليا بسهولة وكنت بتعامل بسلاسة وحب معاهم ..
لغاية لما كبرت ودخلت الاعدادى...
جت ماما بقى ومسكت ودنى واديها نصايح..
مش فاكرة ولا نصيحة منها بس انا فاكرة ان المضمون انى المفروض اعمل حدود لنفسى فى التعامل مع الناس
محبش اى حد كدة بسهولة !
الدنيا مفيهاش امان!
مش كل الناس كويسين!
لازم ابعد عن الولاد اللى فى سنى!
والله الست قالت النصايح وسكتت ..
لا قالتلى انتحرى ولا اقتلى قلبك !
هى كان قصدها انى متعاملش بسذاجة بس واتخدع فى اى حد ..
انا بقى اللى متوصيتش..
بعدت نفسى عن كل اللى حواليا وقفلت على قلبى قفلة مهببة..
وقلت خلااااص زمن الطيبة والهبل انتهى
واول حاجة عملتها قبل مادخل باب المدرسة الاعدادية انى
< < <
(شيلته)
وفى فترة اعداى لاقيت بقى البنات عاملة نفسها كبيرة
وكل بنت ليها صاحب بيستناها برة المدرسة
ال يعنى حبيبها بقى وبيجيبو لبعض هدايا فى الفلانتين والحورات دى
انا طبعا ماما موصيانى ان كدة غلط
اذن
كنت اما الاقى اى بنت بتعرف ولد كنت ببعد عنها واقول عليها مش كويسة
حتى لو كانت بتكلم زميلنا فى الدرس و بترد عليه!
... وجينا بقى فى ثانوى
قالولى مرحلة المراهقة والبنت بتحب اى حد وخلاص
وبترجع تندم وتعرف انها كنت بتضيع وقت ومبيبقاش حب حقيقى
اترعبت بقى وحسيت انه مينفعش تهاون
وكمان انا مكنتش عاوزة اتجرح لان قلبى بطبيعته حساس فاى حاجة كانت هتاثر فيه
لو كنت عرفت اى حد كنت هصدق واحب باخلاص
عشان كدة خفت اوى ولو كان فاضل عندى اثار قلب
< < <
(نضفت اى اثار)
يعنى انا كنت اورريدى عاملى على قلبى كنترول فى مرحلة اعدادى
لكن لما لاقيت الموضوع بقى خطير اوى كدة فى ثانوى
عملت عليه اوفر كنترول
خوفا من تسرب المشاعر وانتشار الاحاسيس
وكنت كل لما اشوف بنت بتحب ولد اقول فى نفسى غلطانة وبكرة تندم انها حبت فى السن دة
وقررت انى احافظ على كل المشاعراللى جوايا للانسان اللى هرتبط بيه..
اقدمهاله هدية وتبقى ليه هو بس
لما كنت بفكر بعقلى كنت ببقى مرتاحة اوى انى هدى كل الحب اللى جوايا للانسان اللى هرتبط بيه مش لدة شوية ولغيره شوية واكون غلطانه فى الاخرفقلت استنى
لغاية ما اقابل الانسان اللى هرتبط بيه بيقة عمرى ويبقى هو الحب الاول والاخير فى حياتى
ودة فعلا حصل فضلت محافظة على كل المشاعر اللى جوايا وكاتمة كل احاسيسى حتى عمرى ماحبيت من طرف واحد ولا اى حاجة خالص
قضيتها مذاكرة.. و دح .. وجد.. واجتهاد
وياريته نفع
اخرتها ...!!
فضلت كدة لغاية ما جه الوقت اللى المفروض بقى ادى لمشاعرى افراج..
واخليها تنطلق..
ولكن..
مافيش ..
مافيش مشاعر اصلا عشان تنطلق
اكتشفت انها ماتت من كتر الخنقة بتاعة السنين اللى فاتت دى
بالظبط زى لو عندك عصفور وحبسته ولا بتاكله ولا بتشربه ولا حتى بتسال فيه
وجيت بعد وقت طووووويل عوزه يطير!
ابقى قابلنى ..
هتلاقيه ميت اصلا!!
المهم بقالى فترة بحاول معاها ونفسى اصلح غلطتى بس مافيش فايدة خالص
كل لما افتكر طفولتى وافتكر اد ايه كان قلبى رقيق وحساس ببقى عاوزة اعيط
دلوقتى مافيش نبض خالص مش عارفة اتقبل اى حد فى حياتى
حبيت اضحك على نفسى مرة واقنعت نفسى انى بحب
وخلاص بقى الدنيا اتصلحت
بس ملاقيتش جوايا اى حاجة من اللى بسمعها عن الحب
او اللى حسيت بيها قبل كدة
مانا زى ما قلت حبيت كتيير وانا صغيرة
يعنى عارفة من معنى الحب
بس من بعيد لبعيد
يعنى افتكر كدة انه حاجة كويسة ..
بيخلى الانسان فرحان بالدنيا والدنيا بتبقى حلوة ادامه
انا فاكرانى مرة وانا صغيرة
حبيت !!
حبيت ولد يعنى
كان عندى فى عين العدو خمس سنين
ههههههه
والله كان اجمل حب
مكنتش بحبه لهدف معين او لاى حاجة او اننا هنخطب بقى والكلام دة
لا
كنا عياااااال
بس حبيته اوى لانه عمل معايا موقف جدع اوى...
المهم
فاكرة بقة لما كنت بحبه كنت نشيطة اوى وكنت بتنطط طول اليوم وكنت فرحانة اوى
وكنت قبل كدة بكسل انزل اجيب حاجة لماما
لكن لما حبيته كنت بتلكك وانزل اجيبلها اى حاجة
كنت حابة الدنيا وكنت طايرة كدة
اييييييييييييه
الله يرحم ايام زماااان
دلوقتى بقى بتحايل على نفسى احب
بس بحس انى برد على نفسى واقولها ابقى قابلينى
مش هتحبى حتى لو عملتى ايه
وفنفس الوقت انا مش عاوزة ارتبط وخلاص
مش عاوزة اعيش حياة مجردة من الاحاسيس نهائى كدة..
نفسى ارجع مشاعرى بس خايفة افضل مش لاقياها ولا الاقيلها اثر جوايا..
كتير بقول لنفسى لو رجعت صغيرة عمرى ما هعمل اللى انا عملته دة.. اكيد هسيب قلبى على راحته اوى واسيبه يتنفس ويحس بكل اللى هو عاوزه ويكفينى انى احكم عقلى واكيد عقلى كان هيحافظ على قلبى ومكانش هيخلنى اعمل حاجة واندم عليها.. احساس صعب انك تعيش وانت من غير مشاعر
حتى لو مشاعرك اتجرحت مرة من حب او فراق فده ارحم من انك تكون من غير احساس خالص
.....
ملحوظة
انا مش بقول كدة عشان انا مش لاقية حد احبه
بالعكس انا عمرى ماكنت هفكر فى الموضوع غير لما لاقيت نفسى فعلا قدام موقف بجد ومش قادرة ابقى قده
مقدرتش احس باى حاجة معرفتش غير انى اهرب
والموقف اتكرر تانى ودورت جوا نفسى على اى حاجة بردو معرفتش
خايفة افضل كدة وخايفة ..افقد الامل
ومش عاوزة ارتبط بحد واظلمه معايا وانا مش لاقيه جوايا حاجة اديهاله
بالعكس انا عمرى ماكنت هفكر فى الموضوع غير لما لاقيت نفسى فعلا قدام موقف بجد ومش قادرة ابقى قده
مقدرتش احس باى حاجة معرفتش غير انى اهرب
والموقف اتكرر تانى ودورت جوا نفسى على اى حاجة بردو معرفتش
خايفة افضل كدة وخايفة ..افقد الامل
ومش عاوزة ارتبط بحد واظلمه معايا وانا مش لاقيه جوايا حاجة اديهاله
.jpg)
6 August 2008 at 12:35
جتك القرف قلبتي عليا المواجع "اموشن قرفان"
فكرتيني باللذي مضي "اموشن قرفان اكتر من اللى قبله"
محبش اى حد كدة بسهولة !
الدنيا مفيهاش امان!
مش كل الناس كويسين!
لازم ابعد عن الولاد اللى فى سنى!
انا ماحدش قالي الكلام ده
بس اكتشفته لوحدي كده
هقولك على حاجه
بصي اللي انتي فيه ده احسن بكتير
اه والله اسمعي مني
ماانتي عارفه اني زي حلاتك
مااعتبرش نفسي اتهفيت في عقلي وحبيت قبل كده
ممكن اقول استهبلت قبل كده اه
لكن حبيت بجد مااعتقدش
ووالله كده احسن
وبالنسبه لموضوع ان المشاعر ماتت
لا يا حبيبتي ماماتتش
ده هتلر كان في قلبه مشاعر
المشاعر مش بتموت بس هي بتدخل في حالة زي بتاعت البيات الشتوي والخمول الصيفي كده
واول اما بتحاولي تجيبيها من جوه التلاجه بتلاقيها بارده وتخنق كده
بس بعد فتره بتسخن وبترجع فيها الحياه من تاني
اقولك انتي عندك فراغ عاتفي
شوفتي عرفتها لوحدي ازاى
علشان تضيعي الفراغ ده مش هقولك اكبتي المشاعر لحسن تبقي زي طنط اللى كنت كاتبه عنها بوست قبل كده
وهتقفي في الشباك تلاقي الدنيا كلها بتجري حواليكي
بس كل اما الموضوع يخنقك كده اوى
اخترعي لنفسك قصة حب عيشي فيها علشان ماتتجرحيش
القلب لو اتجرح مره اه ممكن يتداوي بس مابيرجعش يشتغل زي الاول
عمرك شوفتي حاجه قبل كده اتكسرت وبعد اما تتلزق ترجع تاني
لا طبعا استحاله
استمتعي بكل حاجه في الحياة لحد اما يجي ابن الحلال هيطلع المشاعر من التلاجه ويسخنها
وصدقيني مش هتخسري
يووووووووووه انا بقيت رغايه اوى
ده بوست كامل مش كومنت
يلا تشااااااااااو بقى
6 August 2008 at 12:58
مش هقول زيادة كتير
عن الكومينت اللى فات
بس
هقلك على حاجة
مفيش حاجة اسمها لما اعوز احب اروح احب
يعنى مبتجيش كده
اللى هوه استنى الوقت المناسب وبعيدن احب على طول
هوه الصح فعلا نستنى الوقت المناسب منحبش فى وقت الجب محكوم عليه بالفشل
بس مش ساعة منقرر نحب ... ندور على حد ونحبه
الحب بيجلنا مش احنا اللى بنرحلة
والعصفور المحبوس ماماتش ولا حاجة
هوه بس يمكن بيصحى من النوم
بس هيطلع ان شاء لله للشخص الصح
6 August 2008 at 15:49
مش تقولي كده
مش في حاجه اسمها مشاعر ماتت
لان مش فيه انسان من غير مشاعر
وان شاء الله ربنا هيحققلك اللي فيه الخير
6 August 2008 at 17:53
مشكلتك انك بتدورى على علاج
رغم انك مش مريضه
بيجى العياده ناس كتير كده بنرجع لهم الكشف ونبص ليهم شذرا ونمشيهم .....
لانهم ضيعوا وقتنا وكمان مش عارفين يستمتعوا بصحتهم من احساسهم انهم عندهم مرض
7 August 2008 at 15:03
hالسلام عليكم ورحمة الله وبركاته
أختى انكى لم تخطئ منذ البدايه كما تعتقدين بل على العكس تمام انكى حافظتى على مشاعرك لتقديمها لمن يستحقها وهذا ليس خطاء
ولكن أختى سوف اقول لكى نصيحة قيلت لى من قبل
أحرصى أختى اشد الحرص على نفسك فأنكى الان مثل الورقه البيضاء التى ستظهر عليها اى خط يوضع بيها ولا تقلقى فالحب ياتى من حيث لا ندرى وساعتها بس بتاكد ان مشاعرنا تحيا داخلنا وانها لا يمكن ان تموا ابدا مهما ضيقنا عليها او تحكمنا فيها لانها تعلم تماما ان ذلك من حرصنا وخوفنا عليها
مع ارق تحياتى واعذبها
دمتى أختى برعاية الله
7 August 2008 at 16:04
بصى ياحبيبتى اللى حصل معاكى هو ده الصح فعلا مكنش ينفع تفضلى حساسة اوى كدة ورومانسية كنتى هتتعبى اكتر مانتى تعبانة دلوقتى
عارفة ليه لان زى مامتك قلتلك الدنيا مش امان اوى
بس هى المشكلة انك قفلتى على نفسك جامد
بس صدقينى جدا جدا لو لاقيتى الشخص المناسب بجد واللى انتى هتحبيه المشاعر هتطلع من غير ماتقدرى ساعتها تعملى حتى ولو كنترول صغير
متخافيش ده الطبيعى كلنا البنات يعنى بنفضل قافلين على قلوبنا لحد ماييجى واحد بس هو اللى هنديله مشاعرنا كلها
تحياتى
ايمى
7 August 2008 at 23:58
لالالالالالالالالالالا
مش معاكى خالص
مين قال كدة بس
بيتهيألك يابنتى
وبكرة تعرفى
ان شاء الله
8 August 2008 at 00:48
مش ممكن.. كل صورة انتى حطاها فى الف سكين .. خصوصا التانية.. اما الاولى فدى كارثة لوحدها..
كل دة جواكى.. بس انا عاوز برضة اقول لك حاجة.. اللى انتى عملتية ماكنش كلة صح.. بس برضة ماكانش غلط على طول الخط. انتى زودتيها حبتين.. بس لازم تكونى متاكدة ان البنت المصونة دى جوهرة مليون واحد يتمنى انها تبص لة بس بطرف عنيها .. لان دى بقت عملة نادرة جدا..
ما تزعليش.. وابداى بالتامل فى الكون.. الفراشات .. روحى مكان مفتوح.. اقعدى على البحر او الكورنيش بالليل راقبى انعكاسات الانوار على المية.. اكييد اكييد هتلاقى صبغة مختلفة وان قلبك لسة بيدق..
دمت بكل خير
8 August 2008 at 00:58
ليه مبهدله الزوار كدا يا عزيزتى انا فضلت اسعى ورا التعليق لحد ما وصلت والحمدلله
انا عارفه شعورك والله لكنى كنت بقول زيك لحد ما جه وقت وأتاكدت ان الحب مش من القلب مش معنى اننا حافظنا علي مشاعرنا او حتى خنقناها انها ماتت ابدا
هى محتاجه بس شخص فعلا يحركها او يتقن فن الحب او ربنا يكون باعته لينا
مهو لو فكرنا في الاساس القلب مش بيحب بأيدينا يبقى لا يمكن يكون مات بأيدينا
شيء وحيد اللي يموت القلب وهو قلة الايمان يا عزيزتى
اما بخلاف كدا فأكيد المشاعر في القلب موجوده ولكنها لسه بدرى عليها علشان تخرج
متقلقيش مسير الحب هيدق ببابك
حاولى بس تتجنبى الخوف
ولما يحب القلب فعلا مش هتقدرى تقفلى بابك او تهربى منه
هروبك معناه خوف والحب والخوف ميجتمعوش بقلب واحد
ربنا يسعدك ومتشغليش قلبك بالخوف علشان يقدر يصادف الحب
تحياتى ليكى
8 August 2008 at 05:15
معنديش كلام زيادة عن اللي اتقال
اللي عملتيه لما قلتي قفلت قلبي والكلام ده ، نوعا ما مكنش غلط وقتها ،
بس مش معناه إن مشاعرك ماتت ولا حاجة .. أبدا
هو بس لسه مجاش اللي يحركها صح .. جه بس اللي يخليكي تدوري عليها جواكي .. بس معرفش يحركها ..
مسيره يا ستي يجي اللي يحركها أوي ويخليها مش على بعضها :D .. ساعتها لا حتفكري في خوف ولا في أن مشاعرك ماتت ولا أي حاجة من الكلام ده ..
حظ سعيد يا جميلة :)
8 August 2008 at 12:42
طبعا عندك حق
مفيش حد بقي بحب بجد
كلوا اه بحبك
ومن وراكي دا ابن
.........
ههههههههههههههههههههه
ربنا يهدي يارب
وتلاقي اصدقاء بجد او ناس تتعاملي معاهم
ويكونوا حد كويس
تحياتي
8 August 2008 at 13:58
بجد البوست جميل أوي و شدني أوي لأخر سطر أنا حسيت أني مريت بنفس المراحلةدي كلها ...قفلت على نفسي أوي أوي ...لحد ما ماتت مشاعري ..و مفروض إني دلوقتي في الجامعة و أمي نفسها تشوف بنتها عروسة ...هي مش بتقول بس أنا حاسة بيها ..بس للأسف مش باين أحييكي على الموضوع
السلام عليكي
8 August 2008 at 14:03
السلام عليكم
يا اختي ازاي تندمي على حاجة عملتيها كانت صح مئةصح كمان
كنت حتندمي كل الندم لو كنتي سيبتي مشاعرك لعبة في اليد
كويس اوي انك حافظتي عليها
و بعدين في ناس كثيرة حافظت على مشاعرها لحد ما جا الي يستحقها و ادتهالووعايشة كويسة اوي يعني المشكلة مش في انك ما عملتيش علاقة قبل كدة
و مش عارفة المشكلة فين بس حاولي يا حبيبتي ممكن تحسي بحاجة لما تحسي بحبه ليكي حاولي و ما تفقديش الامل
و ربنا معاكي
8 August 2008 at 18:46
original heart
أول زيارة لبلوجتك الجميلة دى وأكيد ان شاء الله مش اخر زيارة ...
بجد وأنا بقرأ الموضوع .. حسيت لفترة ان دى مذكراتى وكتاباتى انا ... مهما اقولك مش هتتخيلى .. بس بجد كأنه كلامى أنا وشكوتى أنا ...
بغض النظر بقى عن دا كلــه
الا انى .. بقولك انه النصيب .. وميعاد فتح باب قلبك دا لسة مجاش ...
وأول ما يجى .. صدقينى باب قلبك هيتفتح لوحده ... ..وكل الصدأ والركنة اللى كان فيهم هيروحوا لوحدهم من غير ماتحاولى تفتحيه ...
وماتقلقيش .. وتقولى مشاعرك ماتت .. اللى زينا كدا .. بيبقى ..أكتر حد مليان بمشاعر .. جميلة وصادقة .. ودافية على طول ..لأنه موفرها طول عمره للى يستاهلها...
شكــرا يافندم..على زيارتك بلوجى .. نورت بيكى بجد...
وياريت .. الزيارة تتكرر ياجميل ..
وشكرا جدا على انك كتبتى موضوع .. ليا الشرف انى رديت فيه ...
سلااااااااااااامز
urs
eng\ MeMe
9 August 2008 at 01:11
السلام عليكم
واضح من كلامك فى البوست ده انك بنت
مؤدبة جدا وحترمة اووووووووى وكمان بتسمعى كلام مامتك بس انتى كده صح والله
والمفروض متندميش
تحياتى
9 August 2008 at 03:59
اعتقد مفيش خطأ ابدا في كل اللي قولتيه.. بالعكس دي حاجة جميلة ولازم تفخري بيها
حب الرماهقة دايما بينتهي بالفشل.. وبيكون عبارة عن مشاعر مش محسوبة واللي بتعمل كنترول مش بتقتل قلبها لكن فعلا بتحمية من اي صدمات ممكن تقضي عليه
البنات حساسة بطبيعتها عاطفيا واي تجربة فاشلة بتسيب اثر كبير عليها.. ولو التجربة دي جامدة شوية.. يعني لو حبت بجد وفشلت التجربة ممكن تنهار..
علشان كدة انتي مش غلطانة ابدا.. انتي صح جدا
وربنا يوفقك بالانسان اللي يقدرك
تحياتي
9 August 2008 at 11:31
فعلا انا بحس ساعات ان الصغير عشان لسة نقى بيحس اكتر من الكبير بس للأسف العقل و التحكم فى الأعصاب و الحاجات دى ما بيملكهاش الصغير
و لو أنى عن نفسى لسة كده رغم أنى كبرت أهوه
مش عارفة بصراحة بس هو موضوع جميل
9 August 2008 at 12:17
تأكدى يوم ماييجى نصيبك مش هتلاقى ولا كلمة من دول موجودة
وأحييكى على انك حافظتى على قلبك طوال هذه الفترة وخليكى كده الى ان تجدى من يستحق
هتلاقى المشاعر اللى اتقفل عليها طول السنين طالعة لوحدها وبطريقة انتى مش متخيلاها كمان
فماتخليش الموضوع ده يشغللك وسيبيها لله
9 August 2008 at 14:47
و الله عندك حق فى كلامك يا ريت ايام زمان ترجع تانى و لو ليوم من ايامها
بس احنا لازم نحاول نعيش الحياة بكل ما فيها بحلوها و مرها
تحياتى لكى
9 August 2008 at 15:49
هي نونا كتبت البوست ده وراحت انتحرت ؟؟؟
انتي فيييييييييييييين
9 August 2008 at 17:44
اعتزلت التدوين
شكرا انكم قبلتوني في عالمكم الفتره
دي
ويشهد الله كم احببتكم فيه
9 August 2008 at 19:04
وقررت انى احافظ على كل المشاعراللى جوايا للانسان اللى هرتبط بيه..
اقدمهاله هدية وتبقى ليه هو بس
لما كنت بفكر بعقلى كنت ببقى مرتاحة اوى انى هدى كل الحب اللى جوايا للانسان اللى هرتبط بيه مش لدة شوية ولغيره شوية واكون غلطانه فى الاخرفقلت استنى
لغاية ما اقابل الانسان اللى هرتبط بيه بيقة عمرى ويبقى هو الحب الاول والاخير فى حياتى
----------------------
كلام رائع ومتزن ويدل ان شخصيتك جميلة وعندك مبادئ
وعشان كده انا برجوكى متحاوليش تأذى نفسك فى اى تجارب مرهونة بالفشل
وانتظرى حتى ياتيك من يخفق له قلبك وتتآلف معه روحك وستشعرين وقتها بمشاعر الحب الحقيقى التى تختلف كثيرا عن حب الطفولة او المراهقة أو العلاقات العابرة
اصبرى بس شوية يا قمر
ربنا يرزقك بكل السعادة والهنا والحب
...................
أسعدتينى بزيارتك الاولى اختى الحبيبة لمدونتى
لكننى للاسف لم أستطع الرد عليكى فى مدونتى لوجود عطل فى التعليقات حيث يخفى التعليقات ويظهر الاقدم
اتمنى زيارتك وتواصلك دائما
كل ودى واحترامى
سالى
12 August 2008 at 10:17
السلام عليكم
هو انتي ليه مش بتردي على التعليقات عندك؟؟
انتي مخصمانا ولا حاجة؟ ههههههه
12 August 2008 at 10:32
اولا نا اسفة يا جماعه انى مرديتش الفترة اللى فاتت دى
بس بعد لما كتبت البوست دة
جاتلى حالة اكتئاب وكنت مخنوقة اوى
بس الحمد لله جت بفايدة
لانى صعبت على ماما ورضيت تخلينى اسافر اسكندرية قالتلى روحى غيرى جو
والحمد لله ادينى رجعت اهو
وشكرا على التعليقات والناس اللى سالت عليا
>>>>
12 August 2008 at 10:33
la Princesa ... WHiSPeR
ماشى يا جميلة :)
ادعيلى بقى اخرج من حالة البيات الشتوى المزمنة دى
نفسنا نصيف بقااااا :p
شكرا على سؤالك بس مانتى عارفة انى كنت مسافرة :)
12 August 2008 at 10:35
seven
شكرا على تعليقك بس انا مكنتش حاطة فى بالى انى لما هعوز احب هروح احب بقى
لا انا محسبتهاش من الاول انا كان كل هدفى زى ما قلت انى مدخلش تجارب وتفشل :)
12 August 2008 at 10:36
حسن حنفى
اللهم امين
ربنا يحققلنا كل اللى بنتمناه ويكون فيه رضا ربنا عنا
وبعدين تدوين ايه اللى اعتزلته
خد هنا رايح فييين :p
12 August 2008 at 10:37
بطوط حبوب
شذرا !!!!!
مش مستريحة للكلمة دى
شكرا على التعليق
12 August 2008 at 10:39
الملاك
أحرصى أختى اشد الحرص على نفسك فأنكى الان مثل الورقه البيضاء التى ستظهر عليها اى خط يوضع بيها ولا تقلقى فالحب ياتى من حيث لا ندرى وساعتها بس بتاكد ان مشاعرنا تحيا داخلنا وانها لا يمكن ان تموا ابدا مهما ضيقنا عليها او تحكمنا فيها لانها تعلم تماما ان ذلك من حرصنا وخوفنا عليها
كلامك جميل جدا
جزاكى الله خيرا على النصيحة
وربنا يوفقنا للى فيه الخير
هو تقريبا انا بس حصل عندى لغبطة فى التفكير
والظاهر انى زى مابتقولو انى صح :)
نورتى المودنة
12 August 2008 at 10:40
EMMY BABY
بس هى المشكلة انك قفلتى على نفسك جامد
هو دة الموضوع كله
بس مش مهم مادام زى مابتقولى هيجى يوم وكل حاجة هتتغير
منورانى دايما يا ايمى :)
12 August 2008 at 10:43
مدحت محمد
ياريت بكرة يثبت كدة
تقريبا بدات اصدق انى كنت بفكر غلط لما قلت لنفسى انى غلطت
يعنى لسه بكره هعرف اذا كنت صح ولا غلط :)دمت سالما
12 August 2008 at 10:45
صباح الصباح
ازاى يعنى مكانش كله صح ولا كله غلط
انت بتقول ان البنت المصونة جوهرة
طيب ماهو كدة ابقى انا صح تماما
ولا ايه قصدك
وفعلا انا رحت مكان مفتوح عشان اخلص من كتر التفكير اللى فى دماغى :)
منور المدونة:)
12 August 2008 at 10:47
nour shahen
حمدالله على سلامتك واسفة على تعبك
بجد تعليقك اسعدنى جدا
وادانى امل
شكرا على نصايحك الغالية دى
وفعلا الخوف تقريبا سبب كبير فى حالتى
ماما دايما بتقولى كدة
:)منورانى
12 August 2008 at 10:49
immigrant
:p :p
جه اللى لغبطها بس
وبعدين مش تقولي انك من اسكندرية كنت جيت رخمت شوية:)
صحيح
مش انتى تانية روسى وسكند ايطالى ؟؟
12 August 2008 at 10:51
zOzO
ههههههههههه
من ورا ايه بقى مقولتيش
:p
ربنا يقبل منك :)
12 August 2008 at 10:52
Zanooba (Zeinab sab9n
اولا نتورتى البلوج
وبعدين طالما مريتى بنفس الاحساس اقرى التعليقات دى
هتفيدك بجد
الناس اللى عندهم خبرة اكتر مننا بينصحونا واكيد هما ادرى
ربنا يهدينا للخير يارب
:)
12 August 2008 at 10:54
zizi
انا مش ندمانة نهائى انى مكانش ليا علاقات فى المرحلة اللى فاتت بالعكس دة الشئ الوحيد اللى مفرحنى
انما انا مدايقة انى قفلت جامد واعتقد ان دة مش طبيعى انك تقفلى على نفسك من جميع الاتجاهات للدرجادى
شكرا على تعليقك ويارب تنورينى دايما :)
12 August 2008 at 10:57
MeMe
وميعاد فتح باب قلبك دا لسة مجاش ...
وأول ما يجى .. صدقينى باب قلبك هيتفتح لوحده ... ..وكل الصدأ والركنة اللى كان فيهم هيروحوا لوحدهم من غير ماتحاولى تفتحيه
يا مسهل :p
ادينى مستنية :))))
نورتى والشرف ليا انا بتعليقك الجميل على البوست بتاعى
12 August 2008 at 10:58
جوجو
الحمد لله انا مش ندمانة انا بس كنت مدايقة شوية وقلقانة انى مكونش زى البنات اللى حواليا :)
12 August 2008 at 11:02
فى حي مصر
بجد شكرا على تعليقك
وبالظبط دة كان تفكيرى فى مرحلة ثانوى
انا حاسة انى كنت اعقل من دلوقتى:)
بس انا الحمد لله مش ندمانة على اللى عملته
انا بس اللى مدايقنى انى مش عارفة اخرج نفسى من التفكير دة لما جيه الوقت الصح للارتباط
مش مجرد حب مراهقة يعنى
نورت المدونة
وطبعا مقدرش ازعل منكك بجد انتو كلكو غاليين عندى ربنا يكرمكم جميعا
12 August 2008 at 11:04
عاليا حليم
مش كدة بردو
مفيش انقى من الاطفال
بس مع السنين بكتسب زى مابتقولى العقل والتفكير السليم ومعاهم حاجات تانية كتيير بتاثر على براءة قلوبهم
:)
اشكرك على زيارتك الاولى ويارب يدوم بينا التواصل
12 August 2008 at 11:06
موناليزا
كلامك صح بجد
يمكن اكون انا استعجلت شوية وفكرت فى حاجة قبل اوانها وتعبت نفسى
بس الحمد لله انا مش ندمانة على اى حاجة عملتها
واتاكدت انى كنت صح جدا
الحمد لله فعلا الذى عافانى مما ابتلى به غيرى
انا اكتشفت انى وصولى للمرحلة دى بدون اى تجارب زى كدة دة اكبر نعمة من ربنا
:)
12 August 2008 at 11:08
دعوة للامل
و الله عندك حق فى كلامك يا ريت ايام زمان ترجع تانى و لو ليوم من ايامها
بس احنا لازم نحاول نعيش الحياة بكل ما فيها بحلوها و مرها
اولا منورة البلوج
بس انا مفهمتش قصدك كويس
انا عندى حق فى ايه بالظبط
فى اللى عملته ولا فى انى قلت لو ايام زمان ترجع مش عهعمل كدة
:)
12 August 2008 at 11:10
حاجات جوايا
وانتظرى حتى ياتيك من يخفق له قلبك وتتآلف معه روحك وستشعرين وقتها بمشاعر الحب الحقيقى التى تختلف كثيرا عن حب الطفولة او المراهقة أو العلاقات العابرة
والله انتى اللى كلامك موزون ورائع
انا بس فكرت بتسرع شوية
بس الحمد لله بدات اعقل تانى :)
منورة المدونة وان شاء الله يدوم التواصل :)
12 August 2008 at 14:33
ايييييييييييه بس
كل ده غياااااب
:d
مستنين الجدييييييييد
12 August 2008 at 15:57
ياااااااااااااااااااااااااااااااااااه
يااااااااااااااااااه بجد يعنى
تعبان الايام دى وهتعب اكتر لو رديت
خلينى ساكت واقف معجب بالبوست بتاعك..:)
12 August 2008 at 15:59
بس ااقولك...اثبتى على مبدأك ده لغاية لما يجى صاحب النصيب واللى يستاهل بجد..:)
13 August 2008 at 04:18
حسن حنفى
شكرا على سؤالك
وكويس انك منورنى لسه
هاااا
:)
13 August 2008 at 04:19
سفاح كرموز
شكرا على النصيحة واكيد بعد البوست دة
هعمل بيها جدا
بس لو عندك راى فى الموضوع عامة ياريت تقوله
ومدام انت شوفت التاج يبقى خلاص على اقل من مهلك بقى
:)
13 August 2008 at 05:48
الحمد للة ان انتى غيرتى جو.. واعتقد ان نفسيتك بقت احسن كتير
انا اصدى ان مش كلة صح ولا كلة غلط هو اننا نكون وسط.. لا صلب اوى اوى ولا كمان نكون زى الريشة اى حاجة تفكرنا
وفية على ما اعتقد حديث او مقولة ماثورة بتقول اية:
لا تكن قويا فتكسر ولا لينا فتطوى.
اللى انتى عملتية بقى انك كنتى قوية زيادة عن اللزوم.. مش الكل وحش.. وممكن احنا اللى فاهمين غلط.. وبرضة مش كلة حلو .
يارب يكون المعنى بقى اوضح واتمنى لك كل خير
13 August 2008 at 05:50
مدونتك جميله ومشاعره بريئه زيك انا بقه قريت البوستات وعنيه مش وجعتنى وعجبنى قوى حلم رومانسى الواحد فكره بيروح لبعييييد وحاجه ساقعه شكلها النتيجه مؤمنه بمبدأ المقاطعه فعاقبتكم ..مبروك عليكى المدونه الجميله دى وغيرتلك لون البوست يا رب يريح عينك ...اتمنالك كل خير فى رعاية الله وامنه..
13 August 2008 at 06:15
حبيبتي الحب شيء جميل جدااا الحب بصفة عامة انك تتعاملي مع الناس بحب وطيبة لكن مع الناس اللي تستحق ده
ماما كانت بتحذرك وده حقها وانتي فعلا عملتي الصح
انتي مش موتي مشاعرك لاء
انتي احتفظتي بيها نظيفة طاهرة للفارس اللي هيكون ملك علي كل احلامك
كون انك مقدرتيش تحبي فوارد جداا ان يكون قلبك ماحسش بالشخص ده ومنتظر شخص تاني يحبه بجد
جميل ان قلوبنا تعيش من غير قيود بس في زمننا لازم نضع قيود عشان ماتنخدعش وماتنجرحش
ان شاء الله تحب وتتحبي وحب السنين كله الي عاش جواكي ينطلق ليغمر الحبيب بشتي معاني الحب والسعادة
تحياتي
13 August 2008 at 13:58
صبح الصباح
الفكرة وصلت الحمد لله
وطبعا عندك حق فى كلامك
13 August 2008 at 13:59
عايزة اطلق و
بجد نورتينى
وفرحت اوى انك قرتك بوستاتى والحمد لله ان مدونتى عجبتك وياريت تشرفينى بالزيارة دايما:)
وبجد الف شكر للاهتمامك وتغيير اللون
13 August 2008 at 14:01
بنت الاسلام
والله تعليقك اسعدنى جداااااااااا
وكلامك جميل بجد
ربنا يكرمك يارب وشكرا على الكلام الجميل دة :)
13 August 2008 at 14:10
شوفى انا مش بحب التربيه اللى كده مع ان تقريبا 99فى الميه من بيوت مصر ربوا بناتهم كده
عيب وحرام وميصحش
وتبقى البنت اجرمت لو فكرت مجرد تفكير انها تبص لولد او تتعامل معاه باى شكل
مع ان هما ممكن يأسسوا صح وبعد كده سيبوا الولد او البنت يتعاملوا بعد مايعرفوهم ايه حدودو التعامل
لان كده كده هيكون فى تعامل احنا مش عايشين لوحدنا من غيرهم
اما بخصوص انك حاسه انك مش قادره تحبى فالمشكله بسيطه وسهله
انتى بس لسه مش لاقيتى اللى قلبك يدق ليه
واللى يحرك كل مشاعرك واحاسيسك
بس لما تتقابلوا ان شاء الله هتحسى بحاجات كتير حلوه
ومشاعرك هتاخد افراج
تحياتى وحبى لكى
13 August 2008 at 14:22
رحيل
نورتى المدونة بجد
بالنسبة للتربية لو تاخدى بالك انا قلت ان ماما نصحتنى وسابتنى
هى فعلت قالتلى المبادئ اللى المفروض انى اعرفها وبعد كدة سابتنى على راحتى تماما كانت واثقة فى اى تصرف اتصرفه وعمرى ما اتحاصرت من اهلى واعدو يقولولى ابعدى عن دة ودة
بالعكس والله لو كان حصل موقف مع حد واحتكيت باى شخص وحكيتلهم فكان بيبقى عادى لانهم عارفين انا هتعامل فى حدود الادب وخلاص
مش مشكلتى ابدا ان اهلى اتدخلو زيادة فيا
انا مشكلتى انى انا اللى خنقت نفسى بنفسى من غير اى ضغوط من حد
انا حبيت اوضحلك بس واسفة على الاطالة :)
نورتينى
13 August 2008 at 19:47
السلام عليكم
انا عايزة اقولك انك صح وانت صغيرة انت مش اسيتى على نفسك ولا حاجة
كان ممكن تعملى زى كل البنات وتندمى حاليا وحتى لو حسيتى انك مش قادرة تحبى دلوقتى ده لانه لسة ما جاش اللى يستهلك صدقنى
عسى ان تكرهو شيئا وهو خير لكم
ربنا بيجزيك على احترامك لنفسك وعايزة اقولك سر انا عاملة زيك بالظبط وحتى الان لم افتح قلبى
تحياتى والصبر جميل
14 August 2008 at 08:54
مش عارفه اقولك ايه
لاني مش في موقفك
بس بحس انك لحد ما صح
لو كنتي على حريتك اوي
كان ممكن تحصل مواقف
بنزعل عليها لما نفتكرها
ربنا يوفقك و يرزقك
زوج صالح
و ذرية صالحه
إن شاء الله
و صدقيني الحب هيطلع لوحده
:)
إحترامي و حبي
:)
15 August 2008 at 06:45
ايه ده كلو
انا تهت من مغاره علي بابا دي علشان أحط كومنت
وسبحا ناله حوالي 30 واحد تكبدوا العناء ده ربنا يزيد محبتك
--
البوست حلو اوي فعلا
مش عارف حسيت كده بطفله بتتكلم عن مشاعر جميله وأسلوب نقي مش مكلكع
هو ده مش إحساس بردو
دا انتي اورجينال هارت عل الآخر
صدقيني الحب اللي وصفتيه ده حب أفلام ابيض واسود
الحب اللي بجد بيبقى مليان معاناه وألم وتقلب مزاجي حاد
لأن عاده احد الطرفين بيحب التاني
---
انتي زي ماقال بطوط مش مريضه بالعكس انتي صاغ سليم جدا
يابخت اللي هيتجوز بنت زيك
بجد ماما نجحت معاكي اوي
بس الفكره ف إنك تلاقي الشخص اللي يرحك جوايا المشاعر دي
مودتي وابقي اكتبي بوستاتي زي دي كتير بصور
سلام
15 August 2008 at 12:18
صحيح أنا تانية روسي
وكان السكند إيطالي بس حضرتي غيرته إنجليزي على آخر شهر :)
أنتي مين هنا على كده ؟ :P
15 August 2008 at 12:18
إحم .. أقصد مين هناك :)
15 August 2008 at 19:21
يااااه
ايه الكلام دة كله
وجعتيلى قلبى ونا بقرأ
بس بصى
صدقينى لما يجى الانسان اللى هترتبطى بيه هتحبيه لانك فضلتى محافظة على مشاعرك ليه
يعنى انتى عجبك اللى كل يوم مع واد شكل !!!
والله انتى ارحم بكتييير
وحالتك احسن حالة
كفاية انك بنت متميزة لسة مشاعرها مطلعتش لاى حد
مش زى بنات اليومين دول
عرفت مييييت واحد قبل جوزها
ياشيخة احمدى ربنا
16 August 2008 at 01:12
كل رمضان وانتى بخير يا اويجنال ورمضان الجاى تبقى فى احسن حال وربنا يتقبل منا الصيام والقيام لوجهه الكريم ان شاء الله ..انا بس حبيت اهنيكى بالشهر الكريم..فى رعاية الله وامنه.
16 August 2008 at 07:33
كل ما ادخل ابقى فاكر انى علقت
لقيت نفسى انى كنت معلق فعلا بس قلت لك افتحى التعليقات
المهم
انا كنت عاوز اعلق تعليق موز عالبوست ده
لانى اول ما نزلتيه كان فى موقف معايا صادمنى
لكن دلوقتى خلاص
المهم انك تعرفى ان الحب بهدله
ههههههههههههه
اه بس كده
تحياتى
اسلام
18 August 2008 at 10:32
هههههههههه
دمك خفيف طحن
ما شاء الله عليكى
انتى شخصية بيسموها فى انماط الشخصيات معبرة
بس غلط تقولى على نفسك ضعيفة الارادة لانك ده بتدى رسالة سلبية لعقلك
انتى اكيد عندك ارادة قوية لكنك بتطلع فى حاجات وبتكسل فى حاجات تانية يعنى محتاجة تدريب
بوست جميل ياقمر
وياريت الزيارات بينا ما تتقطعش